Jambyl oblysynda Bılikólge 50 myń dana shabaq jiberildi
TARAZ. QazAqparat – Jambyl oblysynda Bılikól aıdynyna 50 myń shabaq jiberildi, dep habarlaıdy QazAqparat tilshisi.
Oblystyq Tabıǵı resýrstar jáne tabıǵat paıdalanýdy retteý basqarmasynyń basshysy Aslan Orazbekov Bılikólge arnaıy baryp, balyq jiberý barysymen tanysty. Barlyǵy 50 myń tuqy tuqymdas shabaq túri arnaıy kólikpen kólge jiberildi.
Atalǵan kól balyq sharýashylyǵy sý aıdyny retinde 2016 jyldyń 5 sáýirinde Jambyl oblysy ákiminiń qaýlysymen «Jýaly ı K» JShS-ǵa bekitilip berilgen. Ol Jýaly aýdanyndaǵy aýmaǵy jaǵynan úlken sý aıdyn bolyp keledi. Sondyqtan balyq sharýashylyǵyn júrgizýge qolaıly oryn retinde erekshe atap ótýge turarlyq.
«Buǵan deıin Jýaly óńirindegi «Teris-Aşybulaq« sý aıdynyna 10 myń balyq shabaǵyn jiberilgen edi. Sondaı-aq, oblys aýmaǵyndaǵy «Shapalovskoe», «Jıenaly», «Keńes-2», «Taskól», «Aspara jáne Qaratýma», «Dıhan», «Maıbulaq», «5-ferma» sý aıdyndarynda 56 myńnan astam shabaq túrleri tastalǵan bolatyn. Bul shabaq túrleriniń basym kópshiligi óńirimizdegi «Sandel» sharýa qojalyǵynyń tálimbaǵynan tikeleı jetkizilýde»,-deıdi Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasynyń basshysy Aslan Orazbekov.
Aımaqtaǵy sý aıdyndaryn balyqtandyrý jumystary turaqty túrde jalǵaspaq.
