Jambyl oblysynda beı-bereket qaldyqtar ǵaryshtyq júıe arqyly anyqtalýda
TARAZ. QazAqparat – Jambyl oblystyq ekologııa departamenti beı-bereket ornalasqan qaldyqtardy anyqtaýdy ǵaryshtyq baqylaý arqyly júzege asyrýda, dep habarlaıdy QazAqparat tilshisi.
Óńirlik kommýnıkatsııalar qyzmetinde ótken brıfıngte oblystyq Ekologııa departamentiniń basshysy Marat Qurmanbaev málim etkendeı, ǵaryshtyq baqylaýdyń nátıjeleri boıynsha anyqtalǵan zańsyz qoqys alańdaryn joıý jóninde jergilikti atqarýshy organdarǵa nusqamalar berilip otyrady.
Spıkerdiń sózinshe, departament zerthanasy byltyr lastaýshy kózderden 722 synama alynyp, 2455 hımııalyq taldaýlar jasalǵan. Onyń ishinde aýa atmosferasynan 648, sý resýrstarynyń lastanýyn baqylaý baǵytynda 68, jerdiń lastanýy boıynsha 6 synama alyndy.
Sondaı-aq, ótken jyly tabıǵat paıdalanýshylary qorshaǵan ortany qorǵaý is-sharalaryna 808,7 mln teńge baǵyttap, onyń 559,5 mln teńgesi ıgerilgen.
Oblys aýa atmosferasyna qaldyq shyǵarýǵa 125 myń tonna lımıt berilse, qaldyqtardyń tek 74 myń tonnasy ǵana aýaǵa kóterilgen. Sol sekildi jerge tógindiler tógý lımıti 24 myń tonna bolǵanymen, tógilgeni 16 myń tonnany quraǵan.
Sondaı-aq byltyr qaldyqtardy ornalastyrý, ıaǵnı jer astyna kómý lımıti 45 mln tonna bolsa, jalpy kómilgeni 13 mln tonnadan aspaǵan.
