Jambyl oblysynda bes kúnde 42 esirtki qylmysy tirkeldi
TARAZ. QazAqparat – Jambyl oblysynyń polıtseıleri «Dopıng» jedel aldyn alý sharasy barysynda 42 esirtki qylmysyn anyqtady, dep habarlaıdy QazAqparat tilshisi.
Jambyl oblysynyń polıtsııa departamenti esirtki qylmysyna qarsy is-qımyl basqarmasynyń qyzmetkerleri bes kúndik «Dopıng» sharasy kezinde 42 esirtki qylmysyn anyqtady. Bul týraly oblystyq polıtsııa departamentiniń baspasóz qyzmeti habarlady.
«11 qylmystyń ishinde Qylmystyq kodekstiń 297-baby boıynsha - 4 derek, QK 296-babynyń 4-bóligi boıynsha - 6 jáne esirtki quraldarymen, psıhotroptyq nemese ýly zattarmen jumys isteý qaǵıdalaryn buzý deregi (QR QK 303-baby 1-bóligi) anyqtaldy. Al, QR QK 296-babynyń 1-3-bóligi boıynsha 12 qylmys áshkere boldy» delingen vedomstvo habarlamasynda.
Sondaı-aq, ákimshilik quqyq buzý týraly 19 hattama jasalǵan.
Shara barysynda polıtsııa qyzmetkerleri 14 dárihanany, 18 qoımany, 4 emdeý mekemesin jáne 1 ónerkásipti tekserdi.
Zańsyz aınalymnan 16 keliden astam esirtki, onyń ishinde 8 keli 182 gramm marıhýana, 6 keliden astam «gashısh», adam aǵzasyna zııan keltiretin 1960 dárilik preparat jáne 5 keli 770 gramm kúkirt qyshqyldy prekýrsor tárkilendi.
