Jambyl oblysynda balyqshy sýǵa batyp ketti
TARAZ. QazAqparat -Balyq aýlaýǵa barǵan Jambyl oblysynyń turǵyny qaıǵyly jaǵdaıda qaza tapty, dep habarlaıdy «QazAqparat» HAA tilshisi.
«Búgin, 6 naýryzda túngi birler shamasynda balyq aýlaýǵa ketken jergilikti turǵyn Bilikól sýyna batyp ketti»,-dep habarlaıdy Jambyl oblystyq TJD baspasóz qyzmeti.
41 jastaǵy balyqshynyń máıiti sýdan shyǵarylyp polıtsııa qyzmetkerlerine tapsyryldy. Qazir tergeý jumystary júrgizilip, oqıǵanyń sebep-saldary anyqtalý ústinde.
Bilikól Jambyl oblysynyń Jýaly aýdanynda, Qarbastaý aýylynan eki shaqyrym qashyqtyqta ornalasqan.
Jergilikti TJD málimetinshe 2017 jyly aımaqta 33 adam sýǵa ketken, onyń 22-si bala.
