Jambyl oblysynda Balqash kóline 35 jastaǵy azamat batyp ketti
TARAZ. QazAqparat -Jambyl oblysy Moıynqum aýdanynda Balhash kóline shomylǵan 35 jastaǵy turǵyn sýǵa batyp ketti, - dep habarlaıdy QazAqparat.
Qaıǵyly jaǵdaı 23-shi maýsym kúni keshkisin boldy. Oqıǵa ornynda shuǵyl izdestirý jumystaryn júrgizgen oblystyq tótensha jaǵdaılar departamentiniń mamandary 24-maýsym kúni tús aýa turǵynnyń máıitin sýdan shyǵarǵan. Bul týraly atalmysh departamenttiń baspasóz qyzmeti málimdedi.
«Aǵymdaǵy jyldyń 23-maýsymynda saǵat 18:30-da Moıynqum aýdany, Myńaral aýylynan 2 shaqyrym qashyqtyq aýmaqta Balqash kóliniń shomylýǵa arnalmaǵan bóliginde 1984 jyly týǵan azamat shomylý barysynda sýǵa batyp ketken. Azamat jeke qutqarý quraldarynsyz bolǵan. Máıit TJD-niń jedel qutqarý jasaǵynyń 5 qyzmetker jáne 1 júzý quralynyń kómegimen tabylyp, sýdan shyǵaryldy»,-delingen vedomstvo habarlamasynda.
Mamandar sýǵa sholmylǵanda arnaıy erejeni saqtaýdy jáne barynsha saq bolýǵa shaqyrýda.
