Jambyl oblysynda balanyń qudyqqa qulap ketýine qatysty tergeý júrýde
TARAZ. QazAqparat - Jambyl oblysynda eki jasar balanyń qudyqqa qulap ketýine qatysty tergep-tekserý amaldary júrgizilýde, dep habarlaıdy QazAqparat oblystyq ІІD-ge silteme jasap.
Buǵan deıin habarlaǵanymyzdaı , Merki aýdany Surat aýylynda ashyq turǵan qudyqqa eki jasar qyz bala qulap ketip, mert boldy. Sábıdiń denesin ata-anasy alyp shyqqan.
Merki aýdandyq ishki ister bóliminen málim etkendeı, baldyrǵan úlkenderdiń qaraýynsyz kórshi úıdiń balalarymen oınaýǵa ketip, úıdiń janynda ornalasqan órt gıdrantynyń jartylaı ashyq turǵan qudyǵyna qulap ketken. Qudyq betine deıin sýǵa toly bolǵan.
Merki aýdandyq ishki ister bóliminiń bastyǵy Ahatqan Ábdezovtiń aıtýynsha, qazirgi ýaqytta atalmysh fakti boıynsha sotqa deıingi tergep-tekserý amaldary júrgizilýde. Onyń barysynda tergeý qaıǵyly oqıǵaǵa alyp kelgen sebepterdi anyqtaıtyn bolady.
