Jambyl oblysynda balalardyń jol apatynan qaza bolýy 4 ese artqan
Osy apattardyń 99 paıyzynda júrgizýshilerdiń aıyby anyqtalǵan. Al mas júrgizýshilerdiń kinásinen bolǵan oqıǵalar sany 16,7 paıyzǵa artyp otyr.
«Jol-kólik oqıǵalarynyń deni ókinishke qaraı, júrgizýshilerdiń jol erejelerin sanaly túrde buzýynan, jyldamdyqty asyrýdan, jol belgilerine qaramaýdan bolyp otyr. Al kóz jumǵan balalar sanynyń 4 esege deıin kóbeıgeni erekshe alańdaýshylyq týdyrady.
Aıta ketý kerek, qaza tapqan balalardyń birde-bireýi avtokresloǵa otyrǵyzylmaǵan. Ata-analar avtokólik oryndyǵyn satyp alýdy kóbine keıinge qaldyrady. Biraq bul sábıdiń ómirinen nemese densaýlyǵynan qymbat emes ekenin umytpaý kerek.
Memleket búgingi tańda apattar sanyn azaıtý jáne jol qozǵalysy qaýipsizdigin qamtamasyz etý úshin tsıfrlandyrýǵa óte kóp qarajat bóledi. Alaıda, júrgizýshiler óziniń ómiri úshin ǵana emes, basqa adamdardyń taǵdyry úshin de jaýapty ekenin túsinbeıinshe, munyń barlyǵy aıtarlyqtaı nátıje bermeıdi. Sondyqtan, eń aldymen, júrgizýshiler tártibin qolǵa alýymyz kerek», – deıdi Jambyl oblysy Polıtsııa departamentiniń bastyǵy Armanbek Baımýrzın.
Jalpy, oblysta jol-kólik oqıǵalarynyń sany 17 paıyzǵa, qaza tapqandar sany 26,2 paıyzǵa, zardap shekkender sany 22,8 paıyzǵa tómendegen.
Buǵan deıin Almatyda jyl basynan 107 bala jol apatynan zardap shekkenin jazǵan bolatynbyz.