Jambyl oblysynda baqtashynyń saraıynan 2 qap esirtki tabyldy
TARAZ. QazAqparat – Jambyl oblysynyń polıtseıler 9,5 keli keptirilgen marıhýana saqtaǵan turǵyndy ustady, dep habarlaıdy QazAqparat tilshisi.
Baızaq aýdanynyń qumdy aımaǵynda ornalasqan sharýa qojalyqtarynyń birinde baqtashy bolyp jumys isteı júrip, er adam jabaıy qarasora butalaryn julyp alyp, keptirip, untaqtap, eki qapqa jınaǵan.
Oblystyq polıtsııa departamentiniń baspasóz qyzmetiniń málimetine qaraǵanda, s almaǵy 9 kılogramm 500 gramm bolatyn esirtki zatyn 34 jastaǵy er adam jylqyǵa artyp, sharýa qojalyǵyna jetkizgen.
«Polıtseıler ony saraıdan tapqan. Atalǵan fakti boıynsha QR Qylmystyq kodeksiniń 296-baby 4-bóligi boıynsha sotqa deıingi tergeý amaldary júrgizilýde»,- delingen vedomstvo habarlamasynda.
