Jambyl oblysynda áıelder pedofılderdiń isterin tekseredi
Jambyl oblystyq baqylaý organynyń baspasóz qyzmeti habarlaǵandaı, Qazaqstan Respýblıkasy Bas prokýrorynyń nusqaýy aıasynda oblys prokýratýrasy ІІD-men birlese otyryp, kámelettik jasqa tolmaǵandardyń jynystyq qol suǵylmaýshylyqqa qarsy qylmystardy polıtsııadaǵy áıel qyzmetkerlerdiń tergeý júrgizý qajettiligi týraly sheshim qabyldandy.
Sondaı-aq, prokýratýra organdary tarapynan osyndaı isterdi áıel prokýrorlar óz baqylaýynda ustaıtyn bolady.
«Oblystyq prokýratýra men ishki ister departamentiniń shtatynda osyndaı isterdi júrgizýge qaýqarly áıel-qyzmetkerler sany jeterlik. Engizilgen jańa tártip kámeletke tolmaǵandardyń psıhologııalyq turǵydan zaqym almaýyna, sondaı-aq osyndaı deńgeıdegi qylmystyq is boıynsha zardap shegýshilerdiń senimdiligin arttyrýǵa múmkindik beredi», - dep túsindirdi prokýratýrada.
Jambyl oblystyq prokýratýrasy baspasóz qyzmetiniń aqparatyna súıensek, sońǵy jyldary óńirde kámelettik jasqa tolmaǵandardyń jynystyq qol suǵylmaýshylyǵyna qarsy qylmys sany artqan. 2016 jyly Jambyl oblysynyń aýmaǵynda 114 osyndaı qylmys jasalǵan.