Jambyl oblysynda avtokólik bir otar qoıdy basyp ketti
TARAZ. QazAqparat – Jambyl oblysynda avtokólik bir otar qoıdy basyp ketti, dep habarlaıdy QazAqparat tilshisi.
Jol-kólik oqıǵasy saldarynan ár túrli dene jaraqatymen 48 jastaǵy júrgizýshi jáne 47 jastaǵy qoıshy №1 Taraz qalalyq aýrýhanasyna jetkizildi. Sonymen qatar, 30 shaqty qoı jáne qoıshynyń jylqysy ólgen. Bul týraly oblystyq polıtsııa departamentiniń baspasóz qyzmeti habarlady.
«Búgin, 31 qańtarda Jambyl oblysy T.Rysqulov aýdanynda «Batys Eýropa-Batys Qytaı» respýblıkalyq mańyzdaǵy tasjolynyń 436 shaqyrymynda «Volkswagen Passat» markaly avtokóliginiń 48 jastaǵy júrgizýshisi bir otar qoıdy joldan aıdap ótip bara jatqan 43 jastaǵy azamatty qaǵyp toqtaǵan. Osy sátte bir baǵyttaǵy 33 jastaǵy azamattyń basqarýyndaǵy «Kamaz 5410» markaly júk kóligi «Volkswagen Passat» markaly avtokóliginiń artynan soqqan»,-delingen vedomstvonyń habarlamasynda.
Polıtsııa departamentiniń málimdemesine sáıkes atalǵan derekke qatysty QR ÁQBtK-niń 610-babymen hattama toltyryldy. Qazirgi ýaqytta sot-medıtsınalyq saraptamalar taǵaıyndaldy, onyń qorytyndysy boıynsha tıisti sheshim qabyldanbaq.
