Jambyl oblysynda avtokólik 35 qoıdy qaǵyp óltirdi

TARAZ. QazAqparat – Jambyl oblysynda avtokólik bir otar qoıdy qaǵyp ketti, - dep habarlaıdy QazAqparat tilshisi.

2021 jylǵy jylǵy 9 qyrkúıekte tańerteńgi saǵat 8 shamasynda «Batys Eýropa - Batys Qytaı» tasjolynyń 325-shaqyrymynda 25 jastaǵy Shymkent qalasynyń turǵyny «Hyundai Solaris» markaly avtokóligimen Almaty qalasynan Taraz qalasy baǵytynda kele jatyp, jol ústin kesip ótpek bolǵan bir otar qoıdy abaısyzda qaǵyp ketken.

Bul týraly oblystyq polıtsııa departamenti habarlady.

- Jol-kólik oqıǵasy saldarynan 35 qoı ólip, 15 mal jaralanǵan. Avtokólik júrgizýshisi túrli jaraqatpen Merki aýdandyq ortalyq aýrýhanasyna júgindi. Kólik aıypturaqqa qoıyldy, – deıdi Merki aýdandyq polıtsııa bóliminiń bastyǵy, polıtsııa polkovnıgi Sábıt Mamytbekov.