Jambyl oblysynda avtobýs pen júk kóligi soqtyǵysyp, 7 adam zardap shekti
TARAZ. QazAqparat - Polıtsııa respýblıkalyq mańyzy bar avtojoldyń Jambyl ýchaskesinde bolǵan jol-kólik oqıǵasyn tekserip jatyr, dep habarlaıdy QazAqparat tilshisi oblystyq TJD baspasóz qyzmetine silteme jasap.
«3 naýryz kúni tańerteń Jýaly aýdanynda «Batys Eýropa - Batys Qytaı» avtojolynyń 557-shi kılometrinde Almatydan Ońtústik Qazaqstan oblysyna bara jatqan Van Hool markaly jolaýshy avtobýsynyń júrgizýshisi kólikti basqara almaı, Mercedes-Benz markaly júk avtomashınasymen soqtyǵysqan», - delingen Jambyl oblystyq ІІD baspasóz qyzmetiniń habarlamasynda.
Jol apaty bolǵan kezde avtobýs salonynda bir júrgizýshi jáne 24 jolaýshy bolǵan. Jeti adam jaraqat alyp, aýrýhanaǵa jetkizilgen.
«Osy fakti QR Ákimshilik quqyq buzýshylyq týraly kodeksiniń «Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy» dep atalatyn 610-baby boıynsha tirkelip, sotqa deıingi tergep-tekserýler júrip jatyr. Birqatar saraptamalar belgilengen», - deıdi oblystyq ІІD ókilderi.
