Jambyl oblysynda avtobýs aýdarylyp, bir adam mert boldy
TARAZ. QazAqparat - Almaty-Shymkent tasjolynda, Tarazdan 17 shaqyrym qashyqtyqta qalaaralyq avtobýs aýdaryldy, dep habarlaıdy Jambyl oblysy Densaýlyq saqtaý basqarmasynyń baspasóz qyzmeti.
«Búgin túnde, saǵat 3:20-da Jambyl aýdany Aısha bıbi aýylynyń mańynda 31 jolaýshy mingen avtobýs aýdarylyp qaldy, - dep túsindirdi vedomstvonyń baspasóz qyzmeti.
«Jedel medıtsınalyq kómek kórsetý úshin 13 sanıtarlyq kólik jiberildi. Úsh jolaýshyǵa oqıǵa ornynda kómek kórsetildi».
№1 qalalyq aýrýhanaǵa 28 adam jetkizilip, olardyń segizi aýrýhanaǵa jatqyzylǵan, al 19 adamǵa kómek kórsetilip, úılerine jiberilgen. 1 bala oblystyq balalar aýrýhanasyna jetkizilgen.
Oqıǵa saldarynan 20 jastaǵy avtobýs jolaýshysy qaza tapty.
