Jambyl oblysynda aýyzsýǵa bólingen qarjyny jymqyrǵan sheneýnikter sottaldy

ASTANA. QazAqparat – Qordaı aýdanynyń prokýratýrasy «Qordaı aýdany ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi» KMM-niń eks-basshysy 6,5 mıllıon teńge urlaý faktisin anyqtady, dep habarlaıdy QazAqparat.

Іs materıaldarynan belgili bolǵandaı, Sarybastaý aýylynda turǵyn úı-kommýnaldyq sharýashylyq bóliminiń burynǵy basshysy «M», «Qordaı sý» MKK dırektory «K» jáne kásipker «E» qujattar boıynsha quny 12,3 mıllıon teńgeni quraıtyn sý munarasyn salýy tıis bolǵan.

Bas prokýratýranyń málimetinshe, nysandy egjeı-tegjeıli taldaý jáne vızýaldy qaraý sý munarasynyń shyn máninde salynbaǵanyn kórsetti.

Nátıjesinde, tergeý barysynda taraptar 6,5 mıllıon teńgeni ıemdenip, ózara bólisip, aýyl turǵyndaryn ózdiginen aǵyp jatqan sýdy paıdalanýyna qaldyrǵany belgili boldy.

Atalǵan fakti boıynsha aýdan prokýratýrasy QK-tiń 189-baby 3-bóligi 1,2-tarmaqtary boıynsha qylmystyq is qozǵap, tergeý amaldary Jambyl oblysy prokýratýrasynyń arnaıy prokýrorlaryna berildi.

Tergeý aıaqtalǵannan keıin, qylmystyq is sotqa joldandy.

Qordaı aýdandyq sotynyń bıylǵy 18 shildedegi úkimimen «M» QK-tiń 189-baby 3-bóligi 1,2-tarmaqtary boıynsha kináli dep tanylyp, 8 jylǵa bas bostandyǵynan aıyryldy.

Kásipker «E» QK-tiń 28-baby 5-bóligi - 189-baby 3-bóligi 1,2-tarmaqtary boıynsha kináli dep tanyldy jáne oǵan 3 jyl 6 aıǵa bas bostandyǵynan aıyrý túrindegi jaza taǵaıyndaldy.

Zańsyz ıgerilgen aqsha tolyǵymen memleketke qaıtaryldy.

Úkim zańdy kúshine engen joq.