Jambyl oblysynda aýyl sharýashylyǵy jerlerin paıdalaný kartasy jasalady
TARAZ. QazAqparat - Jambyl oblysynyń ákimi Asqar Myrzahmetov aýyl sharýashylyǵy salasynyń ókilderine tabıǵı resýrstardy paıdalaný jumystaryn ońtaılandyrýdy tasyrdy, dep habarlaıdy óńir ákiminiń baspasóz qyzmeti.
«Memleket basshysy aıtqandaı, aýyl sharýashylyǵy salasy Qazaqstan ekonomıkasynyń qozǵaýshy kúshi bola alady. Osyǵan qaraı qazir, óńirde egistik jerlerin barynsha tıimdi paıdalanýǵa kúsh salynýda. Aınalymǵa 12 myń gektar jańa jer berý josparlanyp otyr. Aýyl sharýashylyǵy baǵytyndaǵy jerlerdi paıdalanaý kartasy jýyq arada qolǵa alynady. Jambyl oblysy ınnovatsııalyq tehnologııalardy qoldanýda ózge óńirlerden qalyp jatqan joq. Onyń ústine bos jatqan jerler týraly málimetterdi bilýge bolatyn arnaıy geoportal daıyndalýda. Sonymen qatar paıdalanylmaı jatqan jerlerdi memleket paıdasyna alyp qoıý boıynsha sot protsedýralary júzege asyrylýda. Jambyldyq sharýalardyń tájirıbesin eldiń ózge de ólkelerinde paıdalaný josparlanyp otyr»,-dedi aýyl sharýashylyǵy vedomstvosynyń basshysy Berik Nyǵmashev.
Aıta keteıik, kásipkerlikti damytý men qaıta óńdeýshi agroónerkásip keshenderiniń kartalary Qazaqstan úshin pılottyq joba jáne olar jýyrda ǵana Astanada tanystyryldy.
Oblystyq aýyl sharýashylyǵy basqarmasy jetekshisiniń sózinshe, óńirde ylǵal únemdeý men tamshylatyp sýarý alqaptaryn keńeıtý baǵyty basty nazarda. Jambyl oblysynyń ákimi Asqar Myrzahmetov Shý ózeniniń alqaby men ózge de sý kózderi mańyndaǵy jerlerdi barynsha keńinen paıdalanýdy tapsyrdy. Árbir jer bóligin tıimdi paıdalaný úshin jańa tehnologııalardy paıdalaný men tıisti taldaý jasaý mańyzdy.
Berik Nyǵmashevtiń aıtýynsha, bıylǵa josparlanǵan barlyq sharalar ishki jalpy ónimniń kólemin arttyrýǵa, jumys ónimdiligin eselep, agroónerkásip keshenin jańa deńgeıge kóterýge múmkindik beredi. Óńirde sheshimin kútken problemalar bar.
Berik Nyǵmashevtiń sózinshe, óńirde tuqym óndirý jumystaryn jolǵa qoıý qajet. Qazir bul másele óte ótkir tur. Sondaı-aq aýyl sharýashylyǵy daqyldaryn árkelkilendirý mańyzdy. Oblystyń aýdandaryn aralaý barysynda ósimdik sharýashylyǵy salasynda birshama kemshilikter anyqtaldy, olardy joıý mańyzdy.
«Osyndaı máselelerde ońtaılandyrylǵan egistik kartasy kóp kómegin tıgizýi múmkin. Karta memlekettik qoldaýdyń qaı jerde qajet ekendigin naqty anyqtap beredi»,-dedi spıker.
