Jambyl oblysynda aýyl sharýashylyǵy tehnıkalary jańartylady
Oblys ákimdiginiń aýyl sharýashylyǵy basqarmasy baspasóz qyzmetiniń habarlaýynsha, jalpy aımaqta 12 569 aýyl sharýashylyǵy tehnıkasy tirkelgen. Onyń ishinde 4 570 traktordyń 1 myńnan astamynyń paıdalaný merzimi on jyldan asqan.
Osyǵan baılanysty bıyl aýyl sharýashylyǵy tehnıkalaryn 12 paıyzǵa jańartý arqyly 1508 ár túrli tehnıka alý kózdelgen.
Ázirge Jambyl oblysy boıynsha barlyǵy 218 aýyl sharýashylyǵy tehnıkasy, atap aıtsaq, 1 kombaın, 92 traktor, 125 basqa da tehnıkalar alynyp, jańarý kólemi 1,7 paıyzdy quraǵan.
Jalpy, aýyl sharýashylyǵy tehnıkalaryn jańartý úshin memlekettik qoldaý kórsetilip keledi. ıAǵnı, ınvestıtsııalyq sýbsıdııalaý arqyly aýyl sharýashylyǵy tehnıkasyn satyp alǵan sharýalardyń shyǵyndary sýbsıdııalanady. Óteý paıyzy 25 paıyzdy quraıdy. Al, elimizdiń aýmaǵynda óndiriletin otandyq tehnıka 5 paıyzǵa artyq sýbsıdııalanady, ol 30 paıyzdy quraıdy.
Qazirgi ýaqytta óńirde aýyl sharýashylyǵy tehnıkalaryn alǵan 23 agroqurylymǵa 253,6 mıllıon teńge sýbsıdııa tólendi.
Aıta keteıik, buǵan deıin biz Jambyl oblysy aýyl sharýashylyǵy basqarmasy basshysynyń orynbasary 6 jylǵa sottaldy dep habarlaǵan bolatynbyz.