Jambyl oblysynda aýyl sharýashylyǵy tehnıkalary talapqa saı jańartylmaı otyr
TARAZ. QazAqparat - Jambyl oblysynyń ákimi Kárim Kókirekbaevtyń tóraǵalyǵymen oblys ákimdigi alqasynyń kezekti otyrysynda aýyl sharýashylyǵy tehnıkalaryn kóktemgi egin jumystaryna daıyndaý máseleleri talqylandy, dep habarlaıdy «QazAqparat» HAA tilshisi Jambyl oblysy ákiminiń baspasóz qyzmetine silteme jasap.
Jambyl oblystyq aýyl sharýashylyǵy basqarmasynyń deregine sáıkes, qazirgi tańda óńirdegi sharýashylyqta 9 myńǵa jýyq aýylsharýashylyq tehnıkalary bar. Jalpy traktordyń 95% - 5 440 traktor, soqanyń 97%, qopsytqysh pen dán sepkishtiń 97, astyqty dárileıtin mashınany 96 protsenti egindik jumystaryna daıyn.
2016 jyly oblys sharýashylyǵyndaǵy jańartylǵan tehnıkanyń ortasha kórsetkishi 3,5% qurasa, jeke aýdandarda - 2% jetken edi. Mamandardyń baǵalaýynsha, bul óte tómen kórsetkish. Únemdi jáne tıimdi tehnıkalar sany 40% kem bolmaýy tıis.
«Oblys ákimi Kárim Kókirekbaev egin sharýashylyǵyna tolyqtaı kirisý úshin jyl saıyn ár aýdanda qansha tehnıkany jańartý kerektigin anyqtaýdy tapsyrdy. Eski kombaındarmen jumys jasaǵanda ónimniń 30% shyǵyn bolyp, jańa kombaındarda ol kerisinshe 10% qysqarady. Zamanaýı tehnıkalar ónim óńdeýdi jaqsartýǵa, aýyl sharýashylyǵy daqyldarynyń ónimdiligi men ónim sapasyn arttyrýǵa septigin tıgizedi. Memleket kez kelgen jańa tehnıkanyń 25%-yn sýbsıdııalaıdy», - dep atap ótti Jambyl oblystyq ákimdiginiń baspasóz qyzmetindegiler.
