Jambyl oblysynda aýyl ákimi saılaýynda 116 úmitker baq synap jatyr

TARAZ. QazAqparat – Jambyl oblysynda saılaýǵa jalpy 116 úmitker qatysýda. Saılaý barysynda 194 baıqaýshy saılaýdyń ádil ótýine atsalysyp otyr, dep habarlaıdy QazAqparat tilshisi.

Al oblystaǵy barlyq saılaý ýchaskesine 104 302 saılaýshy keledi dep kútilýde. Ol, árıne, aýyl turǵyndarynyń belsendiligine baılanysty.

Jambyl oblysynda saıası naýqan 38 aýyldyq okrýgte ótýde. Úmitkerlerdiń 67 paıyzy - saıası partııalardan bolsa, qalǵany - ózin-ózi usynǵan azamattar. 20 paıyzy – áıelder.

«Saǵat jetide 10 saılaý ýchaskesi ashylyp, jumysyn bastady. Saılaý ýchaskeleri barlyq sanıtarlyq talaptardy saqtaı otyryp 20:00-ge deıin jumys isteıtin bolady»,- dedi oblystyq aýmaqtyq saılaý komıssııasynyń tóraǵasy Serǵalı Aıdapkelov.

Saılaý komıssııalary usynǵan derekterge sáıkes 2021 jylǵy 25 shildedegi saǵat 14.00-degi jaǵdaı boıynsha saılaý bıýlletenderin tizimge engizilgen saılaýshylardyń jalpy sanynyń 76 054 (72,9 %) aldy.