Jambyl oblysynda aýyl ákimi 10 mln teńge jymqyrǵany úshin sottaldy
«Bıýdjet qarjysyn urlaý – eldiń ekonomıkalyq qaýipsizdigine tóngen qater. Bıýdjet qarjysynyń iri kólemde jymqyrylý jaǵdaıy kóbine memlekettik satyp alýmen baılanysty. Aram pıǵyldy merdigerler keı jaǵdaıda memlekettik mekeme basshylarynyń olardyń áreketine degen nemquraılylyǵyn paıdalanyp, keıde tipti olarmen sóz baılasa otyryp, túrli qylmystyq joldarmen jeke bas baılyǵy úshin memleket qazynasyn tonap jatady. Osyndaı jaǵdaılardyń birin Jambyl oblystyq ekonomıkalyq tergeý departamentiniń ókilderi anyqtady»,-delingen habarlamada.
Baızaq aýdany Báıterek aýylynyń ákimi «Sáýlet-2012» JShS-men sybaılasyp, Sarykemer aýylyn jaryqtandyrýǵa bólingen qarjydan 10 mln teńge jymqyrǵan.
Bul rette taraptar jalǵan málimetterdi keltire otyryp, qabyldaý-ótkizý aktisin jasaǵan, al atqarylýy tıis jumystar oryndalmaǵan.
«Kináli adamdar jaýapqa tartyldy»,-delingen habarlamada.