Jambyl oblysynda aýdan ortalyǵynan jańa HQKO ǵımaraty ashyldy
TARAZ. QazAqparat - Jambyl oblysy Jýaly aýdanynda Halyqqa qyzmet kórsetý ortalyǵynyń jańa ǵımaraty ashyldy. Saltanatty ashylý rásimine Jambyl oblysy ákiminiń orynbasary Bekbolat Orynbekov qatysty, dep habarlaıdy «QazAqparat» HAA tilshisi.
«Baýyrjan Momyshuly atyndaǵy aýdan ortalyǵynda 2007 jyly ashylǵan Halyqqa qyzmet kórsetý ortalyǵynyń ǵımaraty yńǵaısyz ári tar jerde ornalasqan edi, - dedi ákimniń orynbasary B.Orynbekov. - Endi ol Qazaqstan Respýblıkasynyń Táýelsizdigi kúni qarsańynda «bir tereze» qaǵıdasy boıynsha salynǵan keń ári yńǵaıly ǵımaratqa kóship otyr. Bul jerdegi aıta ketetin taǵy bir aıyrmashylyq - munda múmkindigi shekteýli adamdar úshin barlyq jaǵdaı jasalǵan».
Jýaly aýdanyndaǵy HQKO-nyń jańa ǵımaratynyń aýmaǵy myńdaǵan sharshy metrdi quraıdy. Turǵyndardy qabyldaý múmkindigi - kúnine eki júz adam. Nysannyń jobalyq qundylyǵy 120 mıllıon teńge, ǵımarat zamanaýı jıhazdarmen uıymdastyrý tehnıkalarymen jabdyqtalǵan. Jýaly aýdanyndaǵy aýyl turǵyndary endi eshqandaı kedergisiz qujat almasyp, mekenjaı boıynsha tirkelip, jyljymaıtyn múlik nysanyna menshik quqyǵyn rásimdeı alady.
«731 memlekettik qyzmettiń 190-yn jergilikti atqarý organdary usynady, onyń ishinde 115-i «Azamattarǵa arnalǵan úkimet» memlekettik korporatsııasy arqyly qoljetimdi, al 83-i elektrondyq úlgide usynylady. Elektrondyq úlgide jergilikti atqarýshy organdar kórsetetin qyzmetterdiń úlesi ótken jylǵy kórsetkishpen salystyrǵanda 3,4 esege artqan. Al, memlekettik korporatsııa arqyly usynylatyn qyzmet túrleri 1,6 esege ósken», - dep habarlady oblys ákiminiń birinshi orynbasary.
Jambyl oblysynda qazirgi zamanǵy talaptarǵa saı halyqqa qyzmet kórsetý ortalyqtary 2006 jyldan bastap ashyla bastady. Alǵashqy tórt halyqqa qyzmet kórsetý ortalyǵy Tarazda paıda boldy. Jergilikti jáne respýblıkalyq bıýdjet ǵımarattar men keńselerdiń jóndeý jumystaryn qarjylandyrdy, dep atap ótti B. Orynbekov.
Jambyl oblysy ákiminiń baspasóz qyzmeti túsindirip ótkendeı, qazir óńirde 21 HQKO men servıstik ortalyqtar bar, solardyń ishinde 14-i oblystaǵy aýdandarda jumys istep jatyr.
