Jambyl oblysynda asyl tuqymdy qoı kórmesi ótti

TARAZ. QazAqparat – Jambyl oblysynyń Shý aýdanynda asyl tuqymdy qoı sharýashylyǵynyń kórmesi ótti. Onda 201 keli salmaqtaǵy «Baıbol» sharýa qojalyǵynyń «Shataq» atty úsh jasar qoshqary jeńimpaz atandy, dep habarlaıdy QazAqparat tilshisi.

Shý aýdany ákimdigi baspasóz qyzmetiniń bergen málimetterine súıensek, Shý qalasyndaǵy Lokomotıv stadıonynda ótken kórmege oblys aýdandarynan jáne kórshiles qyrǵyz elinen barlyǵy 210 asyl tuqymdy qoshqar shyǵaryldy. Olardyń salmaǵy men boıyna, jasyna qaraı jeti atalym boıynsha jeńimpazdar anyqtaldy. Іs-shara sońynda Shopan ata tólin kórmege qatystyrǵan sharýalarǵa oblys ákiminiń Qurmet gramotasy men Alǵys haty tapsyryldy.

Jalpy, Jambyl oblysynda qoı ósiretin 1 500-den asa sharýashylyqta 3,5 mıllıon qoı bar. Bul sharýashylyqtarda edilbaı, qazaqtyń quıryqty qylshyq júndi, merınos, qarakól jáne basqa da tuqymdary kóbeıtilip jatyr.

Aıta keteıik, buǵan deıin biz Jambyl oblysy aýyl sharýashylyǵy basqarmasy basshysynyń orynbasary 6 jylǵa sottaldy https://kaz.inform.kz/news/zhambyl-oblysy-auyl-sharuashylygy-baskarmasy-basshysynyn-orynbasary-6-zhylga-sottaldy_a4054189 dep jazǵan bolatynbyz. Taraz qalasynyń №2 soty alaıaqtyq, iri mólsherde bógdeniń múlkin jymqyrý jáne ıemdený boıynsha aıyptalǵan 4 tulǵaǵa qatysty úkim shyǵarǵan.