Jambyl oblysynda astyq alqaby janyp jatyr
TARAZ. QazAqparat – Jambyl oblysy aýmaǵynda astyq alqaby áli janyp jatyr, dep habarlaıdy QazAqparat Jambyl oblystyq TJD baspasóz qyzmetine silteme jasap.
«14 shildede Rysqulov aýdanynyń Qaraqystaq aýyldyq okrýgindegi «Maqsat» sharýa qojalyǵynda (aýdan ortalyǵy qulannan 50 shaqyrym qashyqtyqta) jalpy aýmaǵy 65 gektar (arpa – 40 ga, qurǵaq shóp – 25 ga) bolatyn arpa alqaby men qurǵaq shóp janyp ketken. Órt saǵat 16.30-da aýyzdyqtalyp, 17.17-de sóndirildi», - dedi vedomstvonyń baspasóz qyzmetinen.
Órtti sóndirýge Jambyl oblystyq Tótenshe jaǵdaılar departamenti «Órt sóndirý qyzmeti men apattyq-qutqarý jumystary» MM kúshi (5 qyzmetker men bir tehnıka) men erikti órt sóndirý qurylymdary (45 adam men 12 tehnıka) jumyldyryldy.
Budan buryn, osy aýdanda órt sóndirýshiler alty saǵat boıy Qulan aýylynan 50 shaqyrym qashyqtyqtaǵy Órnek aýylyndaǵy sharýa qojalyǵynyń alqabynda shyqqan órtpen kúresken edi.
«Sháýshen» sharýa qojalyǵynda 190 gektar bıdaı alqaby, al «Aıan» sharýa qojalyǵynda 150 gektar arpa alqaby bar.
Vedomstvoda atap ótkendeı, órttiń shyǵýyna óńirdegi ystyq aýa raıy yqpal etip otyr.
Avtory Galına Skrıpnık
