Jambyl oblysynda Astana kúnderi ótedi
ASTANA. QazAqparat - Elimizdiń bas qalasynyń 20 jyldyǵy qurmetine aýqymdy joba aıasynda Jambyl oblysynda Astananyń kúnderi ótedi, dep habaralaıdy QazAqparat elordanyń Mádenıet jáne sport basqarmasyna silteme jasap.
25-26 shilde kúnderi Taraz qalasynyń turǵyndary men qonaqtary qyzyqty mádenı baǵdarlama tamashalaıdy, onyń ishinde kórmeler, kontsertter, spektaklder de bar. Barlyq sharalarǵa kirý tegin.
25 shildede saǵat 19.00-de «Balasaǵun» kontsert zalynyń sahnasynda «Astanadan aq tilek» atty gala-kontsert ótedi. Kesh baǵdarlamasynda estradalyq bı, «Shalqyma» halyq bıi ansamblderi, «Qorqyt» dástúrli mýzyka toby, klassıkalyq, estradalyq jáne halyq vokalynyń solısteri óner kórsetedi. Sondaı-aq otandyq estrada juldyzdary - Klara Tólenbaeva, Kúláıym Qaıyrbaeva, Dos, Asqar Jaılaýbaev, Di-ArtStyle trıosy, Baýyrjan Isaev, Rınat Maltsagov jáne Almas Kishkenbaev án shyrqaıdy.
26 shildede saǵat 19.00-de «Balasaǵun»kontsert zalynda Astana qalasy Memlekettik akademııalyq fılarmonııasynyń ujymdary - «Shalqyma» halyq bıi, estradalyq bı ansamblderi, qazaq orkestri, estradalyq, klassıkalyq jáne halyq vokaly artısteri óz ónerlerin ortaǵa salady.
M.Gorkıı atyndaǵy Memlekettik akademııalyq orys drama teatrynyń ártisteri eki kún boıy Jambyl oblystyq orys drama teatrynda óz qoıylymdaryn kópshilik nazaryna usynady.
25 shildede saǵat 19.00-de tarazdyqtar K.Lıýdvıgtiń «Prımadonny» komedııasyn kóredi. QR eńbek sińirgen ártisi, rejısser Bekpýlat Parmanovtyń jáne qoıýshy-sýretshi Qanat Maqsutovtyń qoıylymynda kórermender baılardyń tynys-tirshiligimen tanysady, qandaı da bolmasyn qupııanyń bir kúni belgili bolatynyna kóz jetkizedi.
26 shildede saǵat 19.00-de elordalyq akterler Alehandro Kasonnyń mahabbat pen jastyq shaq taqyryptaryna arnalǵan pesasy boıynsha qoıylǵan «Dıkar. Trete slovo» melodramasyn tamashalaýǵa shaqyrady. Spektaklde taýdaǵy aýylda ósken dúnıetanymy jaqsy Pablonyń shýly qalada buryn-sońdy bilmegen ǵajaıyp sezim syılaıtyn jalǵan álemmen tanysýy týraly aıtylady.
Al 25-26 shildede Jambyl oblystyq tarıhı-ólketaný murajaıynyń kórme zalynda saǵat 10.00-den 20.00-ge deıin búkil memlekettik aralap shyǵatyn «Aq tilekpen Astana!» kórmesi uıymdastyrylady. Ekspozıtsııaǵa S.Smaǵulov, M.Bekeev, R.Kúlbatyrov, S.Allabergenov, N.Karjasov jáne t.b. syndy tanymal 50 otandyq sýretshiniń 100 úzdik týyndysy qoıylǵan. Kórmede Janna Spýnerdiń jeke kollektsııasyndaǵy eńbekterdi, sonymen qatar, astanalyq sheberlerdiń kartınalary men músinderin tamashalaýǵa bolady. Elordalyq kórmege kelýshiler otandyq qylqalam sheberleriniń ónerine, shyǵarmashylyq áleýetterine óz baǵasyn beredi.Munymen qosa, kórmede Ómirbek Tóleýlıevtiń «Elim-aı» serııasy kópshilik nazaryna usynylady. Onyń jumystarynan qazaq halqynyń ótkenimen tanysýǵa bolady. Kollektsııany Táýelsizdik saraıy usynyp otyr.
