Jambyl oblysynda asa iri kólemde gashısh tárkilendi

TARAZ. QazAqparat - Óńirlik polıtsııa departamentine qarasty esirtki qylmysyna qarsy kúres basqarmasynyń qyzmetkerleri Shý aýdany Birlik aýylynyń 54 jastaǵy turǵynyn ustady, dep habarlaıdy QazAqparat tilshisi.

Kúdiktiniń úıin tintý kezinde jazǵy as úıden qara-jasyl tústi untaq zaty bar 2 polıetılen paket tabylyp, tárkilendi.

Saraptama qorytyndysyna sáıkes, tárkilengen zattyń jalpy salmaǵy 4 keli 65 gramm bolatyn gashısh ekeni anyqtaldy.

«Kúdikti óz kinásin tolyǵymen moıyndap, Shý qalasynyń ızolıatoryna qamaldy. Qazirgi ýaqytta osy derekke qatysty Qylmystyq kodekstiń 296- babynyń 4-bóligimen (esirtki quraldaryn asa iri mólsherde zańsyz saqtaý) sotqa deıingi tergeý amaldary bastaldy. Azamattyń qylmysy dáleldengen jaǵdaıda oǵan 3 jyldan 7 jylǵa deıingi merzimge bas bostandyǵynan aıyrý túrindegi jaza berilýi múmkin», - deıdi esirtki qylmysyna qarsy kúres is-qımyl basqarmasynyń bastyǵy, polıtsııa podpolkovnıgi Álim Bajyqbaev.

Aıta keteıik, buǵan deıin QazAqparat Tarazdaǵy klýbtardy ózderiniń «kúzet qyzmetin» paıdalanýǵa májbúrlegen qylmystyq top ustaldy dep habarlaǵan bolatyn.

Sondaı-aq, Tarazda vokzal mańynan qarý-jaraq jasyrylǵan oryn tabylǵanyn jazǵan bolatynbyz.