Jambyl oblysynda apatty jaǵdaıdaǵy jáne úsh aýysymdaǵy mektepter bolmaıdy
TARAZ. QazAqparat - Jambyl oblysynda qurylys salasyndaǵy bıýdjettiń tórtinshi bóligi jańa mektepter salýǵa qarastyrylǵan, dep habarlaıdy «QazAqparat» HAA tilshisi.
Oblystyq qurylys, jolaýshylar kóligi jáne avtomobıl joly basqarmasynyń aqparatyna qaraǵanda, Jambyl oblysyndaǵy qurylysqa bólingen aqsha 25,2 mlrd teńgeni quraıdy.
Onyń ishinde 20 bilim berý nysany men 5 jobalyq-smetalyq qujattarǵa 2017 jyly 6,05 mlrd teńge bólingen. 20 jańa bilim berý nysandarynyń ishinde - 14 mektep, 3 mektepti keńeıtý, bir jańalanǵan ǵımarat, kolledjdiń qosymsha ǵımaraty, kámelet jasqa tolmaǵandarǵa arnalǵan rebılıtatsııalyq ortalyq bar. Qurylys Qazaqstannyń Ulttyq qory esebinen júrgiziledi.
2017 jyldyń basynda oblysta úsh aýysymdaǵy 5 mektep josparlanǵan bolatyn. Úsh aýysymdy joıýǵa «Nurly jol» baǵdarlamasy brıynsha Ulttyq qordan 2,3 mlrd teńge bólindi. Qazirgi ýaqytta Merki aýdanyndaǵy orta mekteptiń qurylysy aıaqtaldy. 2018 jyly úsh aýysymdy taǵy úsh mekteptiń (Tarazdaǵy N24 gımnazııa, Shóldala qala syrtyndaǵy alap pen Baızaq aýdany, Baızaq aýylynda) qurylysy josparlanǵan. Sonymen qatar 2018 jyly oqý rejıminiń durystalýy Baızaq aýdanyndaǵy Aqsholaq stantsııasy mektebinde de kútilýde. Oǵan qosa, oblysta apattyq jaǵdaıda segiz mektep tirkeýde tur. 2016 jyly Tarazda Ulttyq qor qarajatyna buzylǵan ǵımarattyń ornyna №30 orta mekteptiń qurylysy bastaldy, al jergilikti bıýdjet esebinen Sarysý jáne Talas aýdandarynda eki mekteptiń qurylysy júrip jatyr. 2017 jyly jergilikti bıýdjetten eskirgen tórt mekteptiń ornyna 802,4 mln teńge bólingen. Qalǵan apattyq jaǵdaıda turǵan mektepterdiń qurylysy 2018-2019 jyldarǵa josparlanǵan.
«Ekinshi qyrkúıek kúni Merki aýdany Sarymoldaev aýylyndaǵy 600 adamdyq mektep jáne Aral-Qystaq aýylynda 50 adamdyq mektep oqýshylarǵa óz esigin ashady. Sonymen qatar Sarysý aýdany Dosbol aýylynda - 50, Tarazda 1000 oqýshyǵa arnalǵan mektep ashylady», - dedi oblystyq ákimdiktiń bilim bóliminiń bastyǵy Rahııa Turmaǵanbetova.
