Jambyl oblysynda anasy men úsh aılyq náresteni kólik qaǵyp ketti
JAMBYL OBLYSY. QazAqparat – 4 naýryz kúni túnde Jambyl oblysy Sarykemer aýylynda jol-kólik oqıǵasy boldy, dep habarlaıdy QazAqparat Polisia.kz silteme jasap.
Anyqtalǵandaı, «BMW 728» markaly kóliktiń 28 jasar júrgizýshisi 44 jastaǵy áıeldi úsh aılyq balasymen jaıaý júrginshiler jolynda qaǵyp ketken. Anasy oqıǵa ornynda kóz jumdy.
Náresteni Baızaq aýdandyq ortalyq aýrýhanasyna jetkizgen degenmen alǵan jaraqatynan sábı de kóz jumdy. Oqıǵa ornyn tekserý barysynda joldyń qurǵaq, eshqandaı aqaýsyz bolǵany anyqtaldy.
Medıtsınalyq kýálandyrý qorytyndysyna sáıkes júrgizýshi alkogoldik jáne esirtki zattaryn paıdalanbaǵan. Ustalǵan azamattyń aıtýy boıynsha, áıeli ekeýiniń arasynda janjal shyǵyp, júrgizýshi jyldamdyqty kúrt arttyrǵan.
Aldynda kele jatqan kólikti aınalyp ótý kezinde ol róldi basqara almaı, jaıaý júrginshini qaǵyp ketti. Atalǵan fakti boıynsha QR QK 345-baby 3-bóligi boıynsha sotqa deıingi tergeý bastaldy. Júrgizýshi óz kinásin tolyq moıyndady.
Kináli Taraz qalasynyń PB ýaqytsha ustaý ızolıatoryna qamaldy, mashına arnaıy turaqqa qoıyldy. Qazirgi tańda is boıynsha tergeý sharalary júrgizilýde.