Jambyl oblysynda analogtyq habar taratý toqtatyldy
ASTANA. QazAqparat - Tsıfrlyq efırlik telehabar taratýǵa kóshý jónindegi jobany iske asyrý aıasynda Taraz qalasynda Jambyl oblysynda Analogty teledıdardy ajyratý jáne TsETT (tsıfrlyq efırlik telehabar taratý) qosý saltanatty rásimi ótti, dep habarlaıdy QazAqparat.
Іs-sharaǵa Jambyl oblysy ishki saıasat basqarmasynyń bastyǵy Berik Qurmanqulov, «Qazteleradıo» AQ Basqarma tóraǵasy Eskendir Tájibekov jáne Jambyl ODRT dırektory Maqsat Qoıshybaev qatysty.
Óz sózinde Eskendir Tájibekov atalmysh sharanyń mańyzdylyǵyn atap ótti. Onyń aıtýynsha, Jambyl oblysynda analogtyq habar taratýdy toqtatý, bul «Tsıfrlyq Qazaqstan» memlekettik baǵdarlamasyn júzege asyrýdyń kezekti kezeńi. Sondaı-aq, ol Jambyl oblysyndaǵy TsETT-ǵa tabysty kóshýdi qamtamasyz etý úshin atqarylǵan jumystar týraly aıtty.
«Oblysta tsıfrlyq efırlik telehabar taratý jobasyn iske asyrý tolyǵymen aıaqtaldy. Búgingi tańda 44 tsıfrlyq taratqyshtardy qosýmen, 43 radıotelevızııalyq stantsııalar salyndy jáne jańǵyrtyldy. Bul 377 eldi mekendi qamtýǵa múmkindik beredi, ıaǵnı oblys halqynyń 99,8% - yn quraıdy. Óńirde alty eldi meken tsıfrlyq efırlik habar taratýmen qamtylmaǵan, biraq sapaly telehabar taratý olar úshin qoljetimdi. Qazirgi tańda atalǵan eldi mekenderde 466 úı sharýashylyǵy tirkelgen, olardyń árqaısysy «OTAU TV» ulttyq spýtnıktik telehabar taratý júıesine qosylǵan», - dedi Eskendir Tájibekov.
Oblys ákimdiginiń qoldaýymen halyqty aqparattandyrý boıynsha belsendi jumys júrgizilýde. Jambyl oblysy ishki saıasat basqarmasynyń basshysy Berik Qurmanqulovtyń aıtýynsha, aımaq turǵyndaryn habardar etý maqsatynda tsıfrlyq efırlik telehabar taratý boıynsha jarnamalyq beıne rolıkter Taraz qalasynyń barlyq LED-dıspleıleri boıynsha kórsetiledi. Tsıfrlyq efırlik teledıdarǵa kóshý týraly aıaldama jarnama ornalastyra otyryp uıymdastyryldy. Oblys aýdandary boıynsha 57 aqparattyq bılbord ornalastyryldy jáne óńirlik BAQ arqyly halyqty aqparattandyrý boıynsha belsendi jumys júrgizilýde. Sondaı-aq, óz sózinde ol ataýly áleýmettik kómek alatyn otbasylarymen jumys týraly aıtty.
«Oblysta ataýly áleýmettik kómek kórsetýge jatatyn otbasylardyń sandyq qabyldaýyn qamtamasyz etý boıynsha úlken jumys júrgizildi. Búgingi tańda Jambyl oblysynda 8975 otbasy tirkelgen, onyń 6631-i TsETT qyzmetine qosylǵan. Qalǵan 2344 otbasy sandyq qabyldaǵyshtarǵa ıe boldy jáne tsıfrlyq efırlik teledıdarǵa qosylý múmkindigine ıe», - dedi Berik Qurmanqulov.
Aıta ketý kerek, Taraz qalasynda analogtyq standartta 10 arna, al oblys ortalyǵynan tómen eldi mekenderde 5-ke deıin tsıfrlyq efırlik habar taratýǵa kóshkennen keıin translıatsııalanatyn arnalar sany qalada 26-ǵa deıin, al kentterde beıne jáne dybys sapasy jaqsy 11arna, onyń ishinde HD sapasy joǵary 2 telearna. Esterińizge sala keteıik, «Tsıfrlyq Qazaqstan» memlekettik baǵdarlamasy aıasynda elimizdiń barlyq óńirlerin analogtyq telehabarlardan kezeń-kezeńmen ajyratý josparlanyp otyr. Osy baǵdarlamaǵa sáıkes 2021 jylǵa qaraı Qazaqstan analogtyq habar taratýdan tolyǵymen bas tartady.
