Jambyl oblysynda ana ólimi kóbeıdi
TARAZ. QazAqparat - 2016 jyly Jambyl oblysynyń medıtsınalyq mekemelerinde ana ólimi 3 esege ósti. Mundaı aqparat ana men bala ólimin azaıtý boıynsha shtab otyrysynda aıtyldy, dep habarlaıdy «QazAqparat» HAA tilshisi.
Ana men bala densaýlyǵy bólimi basshysy orynbasarynyń mindetin atqarýshy Quralaı Sarınanyń aıtýynsha, 2016 jyldyń 11 aıynyń qorytyndysy boıynsha ana ólimi 3 ret tirkelgen. Ana óliminiń kórsetkishi 12,6%-dy quraǵan, bul kórsetkish 2015 jylmen salystyrǵanda 4,1%-ǵa ósken. Akýsherliktegi qıyn jaǵdaı 3 esege ósken.
«Qıyn jaǵdaılardy saraptaý kezinde akýsherlikte bala bosandyrý uıymdarynynyń birinshi basshylary tarapynan baqylaýdyń tómendegeni, qıyn jaǵdaıdy qulaqtandyrý syzbasynyń saqtalmaýy, jaǵdaıdy durys baǵalamaý jáne basqa da buzýshylyqtar qıyn jaǵdaıǵa ákelip soqtyrady. Osyndaı oqıǵalar Sarysý, Qordaı, Shý aýdandarynda, oblystyq juqpaly aýrýlar aýrýhanasynda, №6 qalalyq emhanada, №2 qalayq aýrýhanada jáne Tarazdaǵy oblystyq aýrýhanalarynda baıqaldy», - dep atap ótti Q.Sarına.
Otyrysta atalyp ótken bala ólimine toqtalatyn bolsaq, bul kórsetkish 2016 jyldyń 11 aıynda oblys boıynsha tiri týylǵan 1000 balaǵa shaqqanda 8,8%-dy, al 2015 jyly - 10,6%-dy quraǵan. ıAǵnı, 17%-ǵa tómendeý baıqalady.
Bala óliminiń kórsetkishi boıynsha Jambyl óńiri QR tiziminde jetinshi oryndy alyp, respýblıkalyq kórsetkishten 0,3%-ǵa joǵary (QR - 8,5%, Jambyl oblysy - 8,8%).
