Jambyl oblysynda ana ólimi 36 paıyzǵa tómendegen
TARAZ. QazAqparat - Jambyl oblysynda ana men bala ólimi azaıdy, dep habarlaıdy QazAqparat.
Bul týraly oblys ákimdigi janyndaǵy densaýlyqty qorǵaý jónindegi úılestirý keńesiniń otyrysynda jan-jaqty aıtyldy.
Basqosýda «Densaýlyq» memlekettik baǵdarlamasynyń vedomstvoaralyq is-sharalarynyń oblys deńgeıinde oryndalý barysy qaraldy. Densaýlyq saqtaý basqarmasy basshysynyń orynbasary Hamıt Myrzaqasymovtyń aıtýynsha, ótken jyldyń sáıkes kezeńimen salystyrǵanda ana ólimi - 36 paıyzǵa, náreste ólim-jitim kórsetkishi - 4 paıyzǵa, qaterli isikterden aýrýshańdyq kórsetkishi - 4,2 paıyzǵa, qaterli isikterden bolatyn ólim-jitim - 15,8 paıyzǵa, qan aınalym júıesi aýrýlarynan bolatyn ólim 10,9 paıyzǵa tómendegen.
Alaıda, jol-kólik oqıǵalarynan zardap shekkender men 15-17 jastaǵy balalar arasyndaǵy sýıtsıd ótken jylmen salystyrǵanda aıtarlyqtaı artqan. Atap aıtsaq, bıyl 1510 adam jol apatynan zardap shekken. Bul kórsetkish Sarysý aýdanynda 7 esege, al Jýaly aýdanynda 36 paıyzǵa artty. Al aǵymdaǵy jyly jasóspirimder arasynda aıaqtalǵan sýıtsıd 3 jaǵdaıdan 5 jaǵdaıǵa kóbeıgen.
Oblys ákiminiń orynbasary Erkebulan Daýylbaev oryn alǵan jaǵdaıǵa baılanysty tıisti tulǵalarǵa saýal joldap, jumysy sylbyr jaýapty basshylardy synǵa aldy.
Avtor: Ǵıbrat Sembaı
