Jambyl oblysynda ań atqysy keletin sheneýnikterge kómektesken ormanshylar qyzmetten qýylǵan
Jambyl oblysy ákimdiginde ótken kezekti basqosýda mamandandyrylǵan «Lashyn» jedel qyzmetiniń dırektory Abaı Kenjebek óz jumysy boıynsha habarlama jasady. Onyń aıtýynsha, «Lashyn» toby qurylǵaly tabıǵatqa zalal keltirýshilermen kúres júrgizilip keledi eken.
Qyzyl kitapqa engen jáne qoryq aýmaǵynan ań-qustardy atqan brakonerler oqıǵa ornynda ustalyp, ústerinen is qozǵalyp, bir-ekeýi túrmege qamalsa, ózgeleri aıyppul tólegen. Top basshysy qyzmettik kýáligin kórsetip, áli kúnge ormanshylarǵa baǵynbaı ań atýǵa tyrysatyn sheneýnikterdiń baryn, olarǵa kómektesken ormanshylardyń qyzmetten qýylǵanyn da aıtty.
«Lashyn tobyn biz ne ushin qurdyq. Zańsyzdyqtyń jolyn kesý úshin. Keıbir sheneýnikter sizderdiń qyzmetkerlermen kelisip, túnde ań aýlaıdy jasaıdy. Biz solardyń jolyn kesýge tıispiz. Qandaı adam bolmasyn, bul top tikeleı menimen jumys isteıdi. Biz tabıǵat baılyǵyn urpaǵymyzǵa jetkizý úshin ony qorǵaı da bilýimiz kerek», - dedi oblys ákimi Berdibek Saparbaev.
Sonymen qatar, ákim zańǵa baǵynbaıtyn qyzmetkerler men ormanshylardyń atyn atap, buqaralyq aqparat quraladarynda jarııalaýdy, olarǵa tek aıypppul ǵana salyp qoımaı, tıisti organdarmen birlesip naqty shara qoldaný boıynsha jumys júrgizýdi tapsyrdy.