Jambyl oblysynda alty balaly otbasyǵa aýyldastary asarlatyp úı salyp berdi
TARAZ. QazAqparat – Jambyl oblysy Qyzylsharyq aýylyndaǵy kópbalaly otbasy qonys toıyn toılady,- dep habarlaıdy QazAqparat tilshisi.
Jambyl aýdanynda «Asarlatyp úı salý» jobasy aıasynda 14 muqtaj otbasy baspanaly boldy.
Bul jolǵy baspanany Baqytjan Abdýllaevtyń otbasy aldy. Ol jubaıy ekeýi alty bala tárbıelep otyr. Tórt bólmeli keń úıdiń qurylysyna aýyl turǵyndary men jergilikti kásipkerler 12 mıllıon teńge jumsaǵan. Barlyq qajetti ınjenerlik jeliler tartylyp, aýlasy asfalttanǵan.
«Men oblys boıynsha 100-den astam otbasy jańa úıli bolǵanynan habardarmyn. Tańdaý otbasyma túskenin estigende, qýanyshtan tóbem kókke jetti. Men aýdan basshylyǵyna, aýyldastaryma shyn júrekten rızashylyǵymdy bildirgim keledi. Sizderdiń ıgi isterińiz úshin júz ese saýaptan jazsyn», - dep Baqytjan Abdýllaev aǵynan jarylyp, áserimen bólisti.
«Qazaqta asar dástúri áý bastan bolǵan desek, ol kezde de barlyǵy jumylyp, muqtaj aýyldastaryna qol ushyn berip otyrǵan. Oblys ákimi Berdibek Saparbaevtyń bastamasymen qolǵa alynǵan joba turǵyn úıge muqtaj otbasylar úshin úlken demeý bolýda. Igi shara mindetti túrde jalǵasatyn bolady. Bul bizdiń halqymyzdyń janashyrlyǵy men qamqorlyǵynyń jarqyn kórinisi», - dep atap ótti aýdan ákimi Sáken Arýbaev.
