Jambyl oblysynda áleýmettik áriptestik arta túspek

- Memleket óz tarapynan jumys­ker­lerge bazalyq kepildikter men ótem­aqy­lar­dy tómengi eńbek standarttaryn, negizgi quqyqtary men mindetterin bel­gilep, olardyń jumys berýshiler tara­pynan oryndalýyna qatań baqylaý júrgize otyryp, árbir azamattyń eńbekke qatys­ty quqyqtaryn qorǵaýǵa kepildik beredi.

Al, jumys berýshiler úshin belgili bir kólemde jumysqa jaldaý, kadrlyq kóterý, jumystan bosatý, jumyskerlerdiń eńbek jaǵdaılary men eńbegine aqy tóleýdi anyq­taý rásimderi jeńildetilse, ekinshi jaǵynan, jumyskerlerdiń bazalyq eńbek kepildikteri men quqyqtary belgilenip, olardy  jeke, ujymdyq sharttar men kelisimder arqyly keńeıtý múmkindigi qarastyrylǵan.

Eńbek ujymdarynda eńbek qatynas­ta­ryn jáne eńbek qaýipsizdigin zań talap­ta­ry­na sáıkestendirý maqsatynda, oblystyq eń­bek ınspektsııasy basqarmasy óz quzireti sheń­berinde aqparattyq-túsindirý jumys­ta­ryn júrgizýde.

Esepti merzimde eńbek qatynastary salasy boıynsha 19 «dóńgelek ústel» oty­rys­tary men semınarlar, 10 eńbek ujym­darynda 319 jumyskerlerge oqýlar ótkizildi. Baspa­sóz betterinde 30 maqala jarııalanyp, oblystyń birqatar eńbek ujymdarynda  kez­desýler men  basqarmanyń  ashyq esik kún­de­ri ótkizilip, oblys turǵyndarynyń eńbek zań­namasyna qatysty suraqtaryna jaýap­tar berilýde, - dedi basqarma basshysy.

Sondaı-aq Serǵalı Ómirzaquly oblystyq eńbek ınspektsııasy óz quzireti sheńberinde, eńbek uıymdarynda eńbek zańnamasynyń saqtalýyn baqylaý maqsatynda, júrgizilgen tekserýler barysynda 2016 jyldyń alty aıynda 126 zań buzýshylyqtar anyqtalǵanyn jetkizdi. Onyń ishinde 74 eńbek  qatynastaryna, 46 eńbek qaýipsizdigi men eńbekti qorǵaýǵa,  6 halyqty jumyspen qamtý zańnamasyna baılanysty bolsa, aǵymdaǵy jyldyń birinshi jartyjyldyǵynda 100 eńbek ujymdarda 18 kórsetkish boıynsha júrgizilgen monıtorıntiń qortyndysy boıynsha  atalmysh 100 eńbek ujymdarynyń 27-sinde ujymdyq sharttar jasalynbaǵan. Al 88 kásiporyndarda jaza­taıym oqıǵalardan jumysshylar saq­tan­dyrylmaǵan bolsa, 696 jumyskerlerdiń jumys ýaqyty tolyq emestigi de anyqtalǵan. Jyl basynan beri 10 kásiporynda  3882  jumyskerlerge 369,021 mıllıon teńgeniń jalaqy qaryzy bary anyqtalǵan.

- Bul kásiporyndardyń basshylyǵyna eńbek týraly zań talaptaryn oryn­da­ma­ǵan­dyǵy úshin, eńbek ınspektorlarymen  jalaqy qaryzyna qatysty oryndalýy mindetti  uıǵarymdar berilip,  318,780  myń teńgeni quraıtyn  somada aıyppuldar  salynyp, qabyldanǵan sharalar nátı­je­sinde 2428 jumyskerdiń eńbek salasyndaǵy quqyqtary qorǵalyp, 298,564 mıllıon teńge jalaqy qaryzdary ótelindi, - dedi Serǵalı Aıdapkelov. Sondaı-aq Serǵalı Ómirzaquly budan ózge de máselelerdi Tımýr Amantaıulyna baıandady.

Budan keıin sóz alǵan oblys boıynsha Kásipodaqtar ortalyǵynyń tóraıymy Bahyt Saparbaeva Kásipodaqtar ortalyǵynyń jumys berýshilermen ujymdyq sharttar jasaý barysy týraly habarlama jasady.

- Oblystyq kásipodaqtar orta­ly­ǵy­nyń bazasynda ár aptanyń juma kúni qoǵamdyq qabyldaý júrgizilip keledi. Munda árbir azamat eńbek zańnamasy boıynsha jáne jumys berýshiler men qyzmetkerler arasyndaǵy paıda bolýy múmkin eńbek daýlarynyń aldyn alý boıynsha tegin zań keńesin ala alady. Kásipodaq zańgerleriniń qatysýymen 2015-2016 jyldar aralyǵynda 12 jeke eńbek daýlary qaraldy jáne kóp jaǵdaıda qyzmetkerlerdiń, ıaǵnı kásipodaq músheleriniń paıdasyna sheshildi. 23 qyz­met­kerdi jumystan shyǵarýǵa jol berilmedi. Sondaı-aq kásipodaq zańgerleriniń qaty­sýy­men sot organdarynda 30 kásipodaq múshe­le­rine tegin ókildik kórsetildi, - dedi Bahyt Qosalyqyzy.

Aıta ketý kerek, oblys boıynsha kásipodaqtar ortalyǵy aýmaqtyq kásip­odaq­tar birlestiginiń quramynda 1286 bastaýysh kásipodaq uıymy 124 myńnan asa kásipodaq múshesin biriktirip otyr. Onyń ishinde 77962 áıelder jáne 30407 29 jasqa deıingi jastar, sonyń 9 myńy stýdenttik jastar.

Otyrysty qorytyndylaǵan Tımýr Amantaıuly qala ákiminiń orynbasary Jaqsylyq Saparalıevke, sondaı-aq aýdan ákiminiń orynbasarlaryna atalǵan máseleler boıynsha naqty tapsyrmalar berdi. Jáne atalǵan tapsyrmalardyń hattamaǵa engizilip, baqylaýda bolatynyn jetkizdi.

Hamıt Esaman