Jambyl oblysynda Aqtóbe oblysynyń kúnderi bastaldy

Memleket basshysynyń óńiraralyq kooperatsııalardy damytý týraly tapsyrmasyna sáıkes ótkizilip jatqan shara aıasynda Jambyl oblysynyń turǵyndary men qonaqtary Aqtóbe óńiriniń jetistikterimen, erekshelikterimen tanysyp, aýylsharýashylyq ónimderin satyp ala alady, sonymen qatar kórmeler men spektaklderdi kórýge múmkindikteri bar. 

   Budan ózge, Aqtóbe jáne Jambyl oblystarynyń basshylary jınalys ótkizip, ári qaraıǵy ózara yntymaqtastyq pen óńiraralyq baılanysty keńeıtýdiń joldary kórsetiledi. 
   
Sondaı-aq eki óńirdiń túrli áleýmettik-ekonomıkalyq salalarda, atap aıtqanda kásipkerlik, bilim berý, densaýlyq saqtaý, mádenıet jáne sport sekildi bes baǵyt boıynsha tájirıbe almasýy qarastyrylýda. 

Іskerlik baılanysty keńeıtý úshin Aqtóbe oblysynyń ónerkásip salasyndaǵy múmkindikteri kórsetilmek, sondaı-aq eki oblystyń kásiporyndary úshin  V2V alańynyń tanystyrylymy uıymdastyrylady. 
  
Aqtóbe qalasy men 12 aýdan kásipkerleriniń qatysýymen aýylsharýashylyq jármeńkesi 24 maýsymda kúndiz Taraz qalasyndaǵy «Dostyq» ortalyq alańynda ótedi. 

Aqtóbelik  aýylsharýashylyq óndirýshiler men azyq-túlik óndiretin kásiporyndar 100 tonnadan astam ónimdi ótkizýdi josparlaýda.  Jambyldyqtarǵa et, shujyq jáne konservi ónimderin, balyq, sút jáne sút ónimderin, ósimdik maıy, bal men ózge de kóptegen azyq-túlik ónimderi usynylady.
         
 Aqtóbe oblysynyń kúnderi aıasynda 23 maýsymda Taraz jurtshylyǵy men qonaqtary ortalyq stadıonda ótetin Aqtóbe men Taraz sport mektepteriniń tárbıelenýshileri arasyndaǵy fýtboldan joldastyq kezdesýdi tamashalaıdy. Jambyl oblystyq qazaq drama teatrynda saǵat 19:00-de aqtóbelik drama teatry qoıatyn «Esigimdi qaqqan kim?» spektakliniń kórsetilimi bastalady. Saǵat 20:00-de Tarazdyń ortalyq alańynda óner jáne shyǵarmashylyq ujymdary kontserttik baǵdarlamasyn pash etedi. 
     
   Sondaı-aq, Aqtóbe oblysy balalarynyń tehnıkalyq shyǵarmashylyqtaǵy jetistikteriniń kórmesi ótip, robot tehnıkasynyń jetistikteri jáne t.b. usynylady.