Jambyl oblysynda ákimdi pyshaqtap ketti

TARAZ. QazAqparat - Jambyl oblysy Merki aýdany, Oıtal aýyldyq okrýginiń ákimin pyshaqtap ketti, dep habarlaıdy QazAqparat tilshisi.

Oqıǵa 24 naýryz kúni, aýyl ákiminiń jumys ornynda bolǵan. Ol aýrýhanaǵa jatqyzyldy.

«Aýdandyq polıtsııa qyzmetkerleri 42 jastaǵy jergilikti turǵyndy ustady. Medıtsınalyq saraptama nátıjesinde ustalǵan azamattyń alkogoldik ishimdik iship, esirtki qoldanǵany anyqtaldy. «Densaýlyqqa qasaqana aýyr zııan keltirý» babymen sotqa deıingi tergeý bastaldy», - deıdi Jambyl oblystyq Polıtsııa departamentiniń baspasóz qyzmetinen.

Kúdiktiniń 2013 jylǵa deıin Jambyl oblystyq psıhıkalyq densaýlyq ortalyǵynda «shızofrenııa» dıagnozymen esepte turǵany belgili boldy. Ol ýaqytsha ustaý ızolıatoryna qamaldy.