Jambyl oblysynda ákim áıeline tıesili kompanııamen kelisimshart jasasqan
Jambyl oblysynda Qulan aýyldyq okrýginiń ákimi memlekettik satyp alý kezinde áıeline tıesili kompanııamen 23 mıllıon teńgege kelisimshart jasasqan. Sybaılas jemqorlyqqa qarsy is-qımyl agenttiniń oblystyq departamenti bergen málimetke sáıkes, Qulan aýyldyq okrýginiń ákimi M.Imanbaevqa qatysty jymqyrý faktilerimen qylmystyq is tergelip, onyń is-áreketinde qylmystyq quramy bolmaýyna baılanysty qylmystyq is toqtatylǵan bolatyn.
Alaıda qylmystyq isti tergeý barysynda M.Imanbaevtyń is-áreketinde memlekettik qyzmetke kir keltiretin tártiptik teris qylyqtar bar ekeni anyqtaldy.
Atap aıtqanda, M.Imanbaev Qulan aýyldyq okrýginiń ákimi bolyp taǵaıyndalǵannan keıin, «A» JShS-pen bir kózden memlekettik satyp alý týraly kelisimsharttar jasasqan. Bul seriktestiktiń jalǵyz quryltaıshysy M.Imanbaevtyń jubaıy ekendigi anyqtaldy.
Osyǵan oraı QR QPK-niń 200-babynyń talaptaryna sáıkes Memlekettik qyzmet isteri agentiginiń Jambyl oblysy boıynsha departamentiniń ádep jónindegi keńesine usyný engizilgen bolatyn. Osy usynys, Ádep jónindegi keńesinde qaralyp, nátıjesi boıynsha M.A.Imanbaev QR Memlekettik qyzmeti týraly Zańynyń 50-baby 1-bóligi 2, 4 jáne 5 tarmaqtaryn buzǵany úshin atqaryp otyrǵan laýazymynan bosatý týraly sheshim qabyldandy»,-deıdi departamenttiń tergeý basqarmasynyń tergeýshisi Dáýren Sábıev.