Jambyl oblysynda adam ólimine kúdikti eki azamat izdestirilýde
TARAZ. QazAqparat - Jambyl oblysynda adam ólimine qatysty eki kúdikti izdestirilýde, dep habarlaıdy QazAqparat tilshisi.
Jambyl oblysy ІІD málim etkendeı, ishki ister departamentiniń krımınaldyq polıtsııa basqarmasy «Adam óltirýge oqtalý» jáne «Adam ólimi» baptary boıynsha qylmystyq is qozǵalǵan Jambyl oblysynyń týmasy 32 jasar Bahtııar Taýbasovty izdestiredi. Ol osy ýaqytqa deıin Jýaly aýdanynyń Qyztoǵan aýylynda turǵan.
Kúdiktiniń belgileri: boıy 182-185 sm, tolyq deneli, shashy túzý, oń jaq betinde tyrtyǵy bar.
Sonymen qatar, adam óltirdi degen kúdikpen Jýaly aýdanynyń Kólbastaý aýylynyń turǵyny 24 jasar Dıdar Nurbolatbekov izdestiriledi.
Jambyl oblysy ІDD baspasóz qyzmetindegilerdiń aıtýynsha, ekeýine qatysty qamaýǵa alý túrinde bultartpaý sharasy tańdaldy. "Kimde-kim kúdiktilerdiń ornalasqan jerin bilgen bolsa, Jambyl oblysy ІІD krımınaldyq polıtsııa basqarmasyna 99-71-21, 99-71-86, 43-05-22, 43-06-78 (ІІD kezekshi bólimi) nemese 102 nómirleri boıynsha habarlasýlaryna bolady".
