Jambyl oblysynda 90 jolaýshy qar qursaýynan qutqaryldy
TARAZ. QazAqparat - Sınoptıkter boljaǵan qalyń qar men qatty aıaz Jambyl oblysyna da jetti. TJ qyzmetteri turǵyndarǵa aýa raıynyń jaısyzdyǵy týraly habarlamany uıaly telefondarǵa táýlik ishinde jiberdi, dep habarlady «QazAqparat» HAA tilishisi.
Jambyl oblysy TJD baspasóz qyzmetinde habarlaýynsha, ótken demalysta izdeý jáne avarııalyq-qutqarý jumystary júrgizildi. Qordaı aýdanynda Almaty-Tashkent tas jolynyń 240-shy shaqyrymynda Shymkent-Almaty baǵytyndaǵy 2 reıstik «Setra» avtobýsy qarǵa batyp qalǵan. Kólikte 50 jolaýshy bolǵan. TJB kúshteri, AІІB, «Qazavtojol» RMK qyzmetkerleri jolaýshylarǵa kómek kórsetip, avtobýstardy qar qursaýynan bosatty. Adamdar jolaı kólikterge minip ketti, zardap shekkender joq.
Almaty-Tashkent jolynyń 165-191 shaqyrymy aralyǵynda, sondaı-aq Qordaı aýdanynda ATJB qutqarýshylary, jergilikti atqarýshy organ ókilderi qar qursaýynan 30 kólikti alyp shyqty. QR QM 28123 áskerı bóliminiń kúshteri men tehnıkalary, KamAZ jáne 10 adam jumyldyryldy, 13 júk kóligine, 1 jeńil mashınaǵa kómek kórsetildi.
Jergilikti atqarýshy organdar jeke quramdy ystyq tamaqpen, jylytý ornymen, janar maımen qamtamasyz etti.
Talas aýdanynda Taraz-Aqkól jolynyń 75-shi shaqyrymynda Taraz-Baıqadam baǵytyna bet alǵan «Setra» avtobýsy buzyldy. Іshinde 40 jolaýshy bar. TJD kúshi (7 adam, 2 birlik tehnıka) 25 adamdy qutqardy, olardyń 4-eýi bala. Qalǵan jolaýshylar jolaı kólikke minip dittegen jerlerine jetti.
