Jambyl oblysynda 90 mln teńgege krıptovalıýta óndirgen maınıng fermalar anyqtaldy

NUR-SULTAN. QazAqparat – Jambyl oblysynda eki zańsyz maınıng fermalary anyqtaldy. Bul týraly QR Qarjylyq monıtorıng agenttiginen málim etti, dep habarlaıdy QazAqparat.

QR Qarjylyq monıtorıng agenttigi Jambyl oblysy boıynsha aýmaqtyq departamentiniń qyzmetkerleri QR Ulttyq qaýipsizdik komıteti QR Energetıka mınıstrligi Atomdyq jáne energetıkalyq qadaǵalaý men baqylaý komıtetiniń qyzmetkerlerimen birlesip jedel-izdestirý is-sharalaryn júrgizý barasynda eki zańsyz maınıng fermalaryn anyqtady. Olardyn bireýi Tehnıkalyq jóndeý ortalyǵynyń ǵımaratynda uıymdastyrylǵan jáne elektrmen jabdyqtaý jelilerine tehnologııalyq baılanysty saqtamaı qosylǵan.

«Tintý is-sharalaryn júrgizý barysynda krıptovalıýtalardy óndirýge arnalǵan 80-nen astam jabdyq tabylyp, tárkilendi.

Quqyqqa qaıshy qyzmetti júzege asyrýdan túsken kiris somasy 30 mln teńgeden astam qarjyny quraıdy.

Ekinshi ferma JShS aýmaǵynda ornalasqan, basshysy shetel azamaty. Ekinshi fermanyń kiris somasy 60 mln teńgeden astam qarjyny quraıdy.

Qazirgi ýaqytta, QR QK-niń 214-baby (zańsyz kásipkerlik qyzmet) boıynsha sotqa deıingi tergeý amaldary júrgizilýde.

QR QPK-niń 201-babyna sáıkes ózge aqparat jarııa etýge jatpaıdy», - delingen Qarjylyq monıtorıng agenttiginiń málimetinde.