Jambyl oblysynda 80-nen astam etnos ókilderi turyp jatyr
TARAZ. QazAqparat - Jambyldyqtardy Qazaqstan halqynyń Birligi kúni merekesimen óńir basshysy Kárim Kókirekbaev quttyqtady, dep habarlaıdy QazAqparat.
«Bul mereke bizdiń árqaısymyz úshin erekshe qymbatty degen oıdamyn. Bul bizdiń mıllıondaǵan otandastrymyzdyń júregine jol taba bilgen keremet rýhanı dástúr. Ol kóktem men eńbektiń, kelisim men beıbitshiliktiń nyshany ispettes. «Birlik bar jerde - tirlik bar» deıdi halqymyz. Ulttyń tutastyǵy árbir azamattyń ishki úılesimdiliginen bastalady. Qazaqstan halqy osy birliktiń arqasynda áleýmettik-ekonomıkalyq jáne rýhanı damý úrdisinde úlken jetistikterge qol jetkizdi. Búgin biz Máńgilik elge aınalýdy maqsat etip otyrmyz»,-dedi oblys ákimi.
Óńir basshysynyń pikirinshe, Qazaqstan álemge azamattyq kelisim men etnıkaarlyq ózara túsinistiktiń úlgisin kórsetti. Elbasynyń bastamasymen Qazaqstan halqy Assambleıasynyń negizi qalandy.
Qazaqstan halqy Assambleıasynyń XXV sessııasynda Elbasy assambleıa tarıhynyń táýelsiz Qazaqstannyń dostyq pen birliginiń jylnamasy, el halqyn ortaq maqsatqa jumyldyrǵan birliktiń qasıetti besigi ekendigin atap ótti. Jambyl oblysynda birlik pen ózara kelisimde 80-nen astam enostardyń ókilderi ómir súrip jatyr jáne olar eldegi tynyshtyq pen turaqtylyqtyń saltanat qurýyna úles qosyp, eren eńbekti úlgisin kórsetip otyr. Mine, Otanǵa degen mahabbat osydan bastalady»,-dedi Kókirekbaev.
Aıta keteıik, 1995 jyly negizi qalanǵan Qazaqstan halqy Assambleıasynyń Jambyl oblystyq ókildigi 25 etnomádenı birlestiktiń basyn qosyp otyr.
