Jambyl oblysynda 8 jasar bala basseınge batyp ketti
TARAZ. QazAqparat - Jambyl oblysynda 8 jasar bala sýǵa ketti, dep habarlaıdy QazAqparat oblystyq tótenshe jaǵdaılar departamenti baspasóz qyzmetiniń ókili Aıda Qudaıqulǵa silteme jasap.
Keshe, 21 maýsym saǵat 15:30-da Jýaly aýdany Teris-Aşybulaq sý qoımasy aýmaǵyndaǵy demalys aımaǵynyń birinde ornalasqan tereńdigi 3 metr basseınde 2012 jyly týǵan bala sýǵa batyp ketti.
«Bala eresekterdiń qaraýynsyz qalǵan. Oqıǵa ornyna Jambyl oblysy TJD 2 qyzmetkeri men bir tehnıka shyqty. Oblystyq tótenshe jaǵdaılar departamentiniń júrgizip jatqan jumysyna jáne kúndelikti reıdke qaramastan qaıǵyly oqıǵa oryn alyp otyr. Bul - bıylǵy besinshi qaıǵyly oqıǵa. Shomylý maýsymy bastalǵaly beri bes adam sýǵa batyp, onyń bireýi qutqyrylǵan. 4 adam kóz jumdy, onyń úsheýi - bala» deıdi oblystyq TJD baspasóz qyzmetiniń ókili Aıda Qudaıqul.
Departament óz kezeginde azamattardy balalardy qaraýsyz qaldyrmaýǵa, sondaı-aq tyıym salynǵan jerlerde shomylmaýǵa shaqyrady.
