Jambyl oblysynda 77 myńnan astam adam jumyspen qamtý sharalaryna tartyldy
Ótken jyly óńirde jumyspen qamtýdyń belsendi sharalaryna 77 424 adam tartyldy. Onyń ishinde «Eńbek» baǵdarlamasy aıasynda 57 381, «Jumyspen qamtý jol kartasymen» 20 043 adam «eki qolǵa bir kúrek tapqan». Bul týraly óńirilk kommýnıkatsııalar qyzmetiniń aqparat alańynda ótken brıfıngte oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Ásel Shaımerdenova aıtyp berdi.
«Byltyr «Jumyspen qamtýdyń jol kartasy» aıasynda qaralǵan 64,2 mlrd. teńgege 809 joba iske asyrylyp, 19 615 jumys oryndary ashylatyny josparlanǵan. Onyń ishinde jumyspen qamtý ortalyqtary arqyly 9 850 jumysqa turdy. Jyldyń qorytyndysymen 808 jobada jumystar aıaqtalǵan. Osy jobalar aıasynda 20 043 jumys oryndary qurylyp, onyń ishinde 10 056-sy jumyspen qamtý ortalyqtary arqyly jumysqa ornalasty» — dep atap ótti Á. Sháımerdenova.
Spıkerdiń aıtýynsha, bıyl oblys boıynsha shaǵyn nesıege 602 adamǵa 2,9 mlrd.teńge qaralǵan. Búgingi tańda baǵdarlama ákimshileri tarapynan ortalyq atqarýshy organdarmen nesıe sharttaryna qol qoıylýda. Al qaıtarymsyz granttar berý muqtaj azamattar úshin baǵdarlamanyń eń tıimdi quralynyń biri bolyp otyr. 2020 jyly baǵdarlama boıynsha barlyǵy 7 783 adam 4,3 mlrd.teńgege grant aldy. Barlyq alýshylardyń 48,2 paıyzy az qamtylǵandar men kóp balalylar bolsa, 24,0 paıyzy – jastar.
