Jambyl oblysynda 75 azamattyq is qashyqtan qaraldy

ASTANA. QazAqparat - Jambyl oblysynda tsıfrlandyrý sot óndirisi sapasyn aıtarlyqtaı arttyra tústi. Bul týraly búgin  respýblıkalyq sýdıalardyń keńeıtilgen keńesinde  Jambyl oblystyq sotynyń sýdıasy Svetalana ıAkovleva aıtty, dep habarlaıdy QazAqparat tilshisi.

«Sottarda tsıfrlyq qylmystyq sot óndirisi iske qosyldy. Ol oblysymyzda ilki joba retinde beıimdeýden ótýde. «Elektrondy qylmystyq istiń» basymdyǵy nede? Sýdıaǵa is materıaldary tirkelgen sátten bastap, sotqa túskenge deıin tsıfrlyq túrde qoljetimdi bolady. Tergeýshiniń, advokattyń, sarapshynyń árbir protsessýaldy is-qımyly kórinip turady. Bul sýdıaǵa isti jan-jaqty túsinýine múmkindik beredi. Protseske qatysýshylar onyń ishinde qorǵaýshy da ispen qashyqtan tanysa alady. Ol úshin qylmystyq protsesti júrgizýshi organǵa barýdyń qajet joq», - dedi ol.

Onyń aıtýynsha, qazirgi ýaqytta oblystyq sotqa buıryqtyq óndiris, teris qylyq boıynsha materıaldar elektrondy túrde túsip jatyr. atalǵan sanatqa jatatyn sot óndirisiniń 50 paıyzy qaǵazsyz júrgiziledi. Bul sapanyń birshama artýyna septigin tıgizýde. Máselen, elektrondy túrde qarastyrylǵan 103 qylmystyq istiń ekeýine ǵana shaǵym túsken.

«Aǵymdaǵy jyly qashyqtan 79 azamattyq is qaraldy. Jalpy Jambyl oblystyq sotyna ákimshilik isterdiń 98,2 paıyzy tsıfrlyq formatta túsedi. Buǵan qosa, «Sýdıaǵa kómek» modýli iske qosyldy. Ol memlekettik organdardyń jyljymaıtyn múlik, erterekte engizilgen aıyppuldar, úkimder boıynsha aqparattar bar málimetter bazasyna kirýge múmkindik beredi. Modýl tipti jaza sharasyn esepteýge de múmkindik jasaıdy. Sot isterin izdeý ońtaılandyryldy», - dedi Svetalana ıAkovleva.