Jambyl oblysynda 74 mektep dırektory keń kabınetin bosatty
TARAZ. QazAqparat - Jambyl oblysynda «Artyq alańdardy tıimdi paıdalaný» boıynsha 440 mektepke zerdeleý jumystary júrgizilip, nátıjesinde kabınetiniń aýmaǵy 35-50 sharshy metr 74 mektep dırektorynyń kabınetiniń aýmaǵy qysqartyldy, dep habarlaıdy QazAqparat tilshisi.
Bul týraly oblys ákimdiginde ótken jıynda «Jambyl - adaldyq alańy» jobalyq keńsesiniń basshysy Qaırat Meklısov baıandady. Onyń aıtýynsha, bosatylǵan 866 sharshy metr alańdarǵa robototehnıka, sýret jáne aǵylshyn tili synyptary ashylǵan. Sondaı-aq, 17 memlekettik organ basshylarynyń demalys bólmeleri anyqtalyp, ózge qajetti maqsattarǵa paıdalanýǵa berilgen. Al, 5 memlekettik organ kommýnaldyq menshiktegi ǵımaratqa ornalastyrylyp, nátıjesinde 16 mıllıon teńge qarajat únemdelipti.
Basqosý barysynda «Jambyl - adaldyq alańy» jobasynyń turmystyq jemqorlyqty joıý jáne azamattarǵa qolaıly orta qurý, sybaılas jemqorlyqqa qarsy mádenıet qalyptastyrý bloktary boıynsha atqarylǵan sharalar nátıjesi baıandaldy.
«Joba aıasynda búginge deıin óńirde 174 «Adaldyq dúkeni» ashylsa, onyń 2-i joǵarǵy oqý ornynda, 7-i kolledj jáne 160-y mektepterde ornalasqan. Jobalyq keńseniń «Senim jáshigi» aktsııasy aıasynda óńirdegi 3 joǵary oqý orny men 19 tehnıkalyq jáne kásiptik bilim berý mekemesiniń 3759 stýdenti arnaıy saýalnamaǵa qatysypty. Saýalnama qorytyndysy boıynsha 125 stýdent oqytýshylardyń atyn ataı otyryp, olardyń 2000-7000 teńge kóleminde syılyq alatyndyǵyn jazyp kórsetken»,- dedi Qaırat Meklısov.
Bul ǵana emes, jobalyq keńseniń qatysýymen densaýlyq saqtaý salasynda anyqtamalar satý, júrgizýshi kýáligin berý, jol belgilerin joıý, tehnıkalyq baıqaý pýnkterindegi birqatar zań buzýshylyqtar da anyqtalǵan.
Óńir basshysy Asqar Myrzahmetov óz sózinde «Jambyl - adaldyq alańy» jobasynyń mańyzdylyǵyn atap ótip, joba jumysyn odan ári kúsheıtýdi tapsyrdy.
«Joba jumysy nátıjesinde anyqtalǵan kemshilikter men zań buzýshylyqtar týraly aı saıyn tıisti oblys ákiminiń orynbasary men qatysty basqarma basshylaryna málimet berilip, jaýapty tulǵalar óz deńgeıinde sheshim qabyldaýy kerek»,-dedi oblys ákimi.
Sondaı-aq, jobanyń jumysy toqsan saıyn oblys ákimi deńgeıinde qaralyp, jospary saralanyp otyratyn boldy.
