Jambyl oblysynda 700 shaqyrym joldy ortasha jóndeýden ótkizý josparlanǵan
Bul týraly oblys ákimi Nurjan Nurjigitovtiń oblystyq energetıka jáne turǵyn úı-kommýnaldyq sharýashylyq, jolaýshylar kóligi jáne avtomobıl joldary, sáýlet jáne qala qurylysy men tsıfrlandyrý basqarmalary basshylarynyń esepterin tyńdaý barysynda aıtyldy.
Onda oblys ákimdigi jolaýshylar kóligi jáne avtomobıl joldary basqarmasynyń basshysy Murat Saýryqov «Bıyl jol salasyn damytýǵa 24,7 mıllıard teńge bólindi. 3,3 shaqyrymǵa jol salý, 11,4 shaqyrym joldy rekonstrýktsııalaý, 777,3 shaqyrym joldy ortasha jóndeýden ótkizý josparlanyp otyr», – dedi.
Nurjan Nurjigitov basqarma aldyna birqatar mindet qoıa otyryp, jol jóndeý jumystaryn ýaqytyly júrgizýdi, aýdanaralyq baǵyttardy ashýdy tapsyrdy.
Jıynda sondaı-aq, kondomınıým nysanyn tirkeý jumystary týraly oblys ákimdigi energetıka jáne turǵyn úı-kommýnaldyq sharýashylyq basqarmasynyń basshysy Qudaıbergen Qorǵanbaev turǵyn úı qoryn jańǵyrtý aıasynda 2011-2022 jyldar aralyǵynda quny 16,8 mıllıard teńgeni quraıtyn 557 úıge jóndeý jumystary júrgizilgenin jetkizdi. Bıyl oblys ortalyǵynda jalpy somasy 3,3 mıllıard teńgege 44 turǵyn úıdi jańǵyrtý josparlanǵan.
Aıta keteıik, buǵan deıin Jambyl oblysy kólikti onlaın tirkeý kórsetkishi boıynsha birinshi orynda turǵanyn jazǵan bolatynbyz.