Jambyl oblysynda 700 mln dollardyń memorandýmdaryna qol qoıylyp, 20-ǵa jýyq kelissóz júrgizildi
150 kompanııa qatysqan kórme ótti
Forýmnyń ekinshi kúni 150 jambyldyq kompanııa qatysqan «Qazaqstannyń úzdik taýary» kórme-baıqaýymen bastaldy. Jambyl oblysynyń ákimi Nurjan Nurjigitov, QR Ulttyq ekonomıka mınıstri Álibek Qýantyrov, tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın, saýda jáne ıntegratsııa birinshi vıtse-mınıstri Arman Shaqqalıev, Qazaqstannyń Ózbekstandaǵy elshisi Beıbit Atamqulov pen ózge de qonaqtar men forýmǵa qatysýshylar taýar óndirýshilerdiń ónimderin joǵary baǵalady.
Kórmege 40 taýar «Bir aýyl – bir ónim» jobasy aıasynda qatysty. «Atameken» kásipkerler palatasy bul kórme-baıqaýdy osymen 9-ret uıymdastyryp otyr. Jyldan-jylǵa oǵan qatysýǵa nıet bildirgen jas kásipkerler men bastaýysh kásiporyndardyń sany artyp keledi.
Plenarlyq otyrys uıymdastyryldy
Jıynnyń ashylýynda sóz alǵan Jambyl oblysynyń ákimi Nurjan Nurjigitov oblysymyz úshin mańyzdy is-shara birinshiden, óńirge ınvestıtsııa tartyp, tıimdi yntymaqtastyq pen bıznes bastamalardy júzege asyrýǵa baǵyttalǵanyn jetkizdi. Óńirdiń bes basty básekelestik artyqshylyǵyna toqtalyp ótti.
«Birinshiden, oblysymyzdyń klımattyq jaǵdaıy qońyrjaı kontınentaldy, «jasyl tehnologııalardy» engize otyryp, aýyl sharýashylyǵyn damytýǵa óte yńǵaıly. Balamaly energııa kózderi boıynsha jobalardy asyrý úshin de eń qolaıly óńirdiń biri. Úshinshi artyqshylyǵymyz, joǵary kóliktik-logıstıkalyq áleýetimiz. ıAǵnı, óńiraralyq júk tasymaldaryn júzege asyrýǵa jáne halyqaralyq jolaýshylar aǵynyna qyzmet kórsetýge áleýeti bar jáne saýdany damytý áleýeti zor.
Biz óz ónimderimizdi álemniń 17-den astam eline, sonyń ishinde Qytaı men Parsy shyǵanaǵy elderine eksporttaımyz», – dedi Nurjan Nurjigitov.
Jalpy, oblysta 350-den asa iri jáne orta kásiporyn bar. Olardyń negizgi baǵyttary – hımııa, azyq-túlik, metallýrgııa, qurylys materıaldary óndirisi. Munymen qosa, aımaq 200-den astam túrli paıdaly qazbalarǵa baı. Oblys fosforıt jáne plavıkoshpat shıkizatynyń biregeı bazasy. Túrli-tústi metaldar, barıt, kómir, qolóner jáne tehnıkalyq tastar, qurylys materıaldarynyń da qory jetkilikti.
«Biz agroónerkásiptik keshende, týrızm, ónerkásip jáne balamaly energııa óndirisi salalarynda jalpy somasy 3,8 mıllıard AQSh dollaryn quraıtyn áleýetti ınvestıtsııalyq jobalardy ázirlep, qyzyǵýshylyq tanytyp jatqan ınvestorlarǵa usynýǵa daıynbyz», – dedi oblys basshysy.
Plenarlyq otyrysta baıandama jasaǵan QR Ulttyq ekonomıka mınıstri Álibek Qýantyrov el ekonomıkasyna toqtala kele, Jambyl oblysynyń negizgi kórsetkishterin de atap ótti. Byltyr Jambyl oblysynda 980 myńnan astam adam jumyspen qamtylǵanyn aıtty. Jumys istep turǵan shaǵyn jáne orta kásipkerlik sýbektileriniń sany 29 paıyzǵa ósip, 92,6 myńǵa jetkenin baıandady. Jyl basynan beri qurylys, ónerkásip salasynda ósim bar ekenin, bıyl oblystyń 90 aýylynda 13,6 mıllıard teńgege 271 joba iske asyrylatynyn jetkizdi.
Sheteldik kompanııalarmen 700 mıllıon AQSh dollaryn quraıtyn memorandýmdarǵa qol qoıyldy
7 iri sheteldik taýar óndirýshi kompanııalarmen jasalǵan kelisimge sáıkes ınvestıtsııalyq jobalardyń jalpy quny 700 mıllıon AQSh dollarynan asady. Olardyń qatarynda Indııa, Sıngapýr, Germanııa, Vengrııa sekildi birqatar memleketterdiń ınvestorlary bar.
Sheteldik kompanııalar oblys aýmaǵynda ferroqorytpa, tsement zaýytynyń qurylysy, qurylys materıaldaryn óndirý, kún elektr stantsııalaryn salý, tamaq ónerkásibi jáne logıstıka ındýstrııalyq parki syndy jobalardy júze asyrýdy josparlady.
Internet pen baılanys sapasyn jaqsartatyn Jol kartasyna qol qoıyldy
Bul kúni sondaı-aq,mobıldi jáne talshyqty-optıkalyq baılanyspen qamtamasyz etý boıynsha Jol kartasyna qol qoıyldy. Oǵan oblys ákimi Nurjan Nurjigitov, QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın men baılanys operatorlary qatysty.
Jol kartasyna sáıkes, óńirdiń 210 eldi mekeninde mobıldi ınternet sapasyn jaqsartý, 155 eldi mekendi talshyqty-optıkalyq baılanys jelisimen qamtamasyz etý, respýblıkalyq jáne oblystyq mańyzy bar joldardy tsıfrlyq ınfraqurylymmen qamtamasyz etý jumystary josparlandy.
Investorlarmen 20-ǵa jýyq kelissózder júrgizildi
Frantsııalyq «Total Open» kompanııasy Moıynqum aýdanynda qýaty 1 GVt jel elektr stantsııasyn salýdy josparlap otyr. Joba quny – 500 mıllıard teńge. Joba júzege assa, 300 turaqty, 1000 ýaqytsha jumys ornyń qurylady.
Al, úndistandyq «Monnet Group» kompanııasy aımaqta joǵary sapaly ferrosılıtsıı, ferromarganets shyǵaratyn zaýyt salý jobasyn júzege asyrýǵa kirisken.
Sondaı-aq, «Bazar Fur» Túrik kompanııasy óńirde turmystyq tehnıka óndiretin zaýyt salýǵa nıetti.
«KazBioSorgo» JShS ókilderi qant quraǵyn ósirý jáne óńdeý jobasyn tanystyrsa, «Monterra Qasaqstan» JShS kompanııasynyń ókilderimen Qordaı aýdanynda taý-ken metallýrgııa kombınatyn salý máseleleri talqylandy.
Budan bólek, kezdesýde «Taraz Gelatin» JShS basshylyǵy jelatın óndirisiniń jobasyn usyndy. Sonymen qatar, «Wanlin Group Limited» qytaı kompanııasy keptirilgen pııaz óndiretin zaýyt salýdy josparlady.
Bul kúni Nurjan Nurjigitov 20-ǵa jýyq iskerlik kelissózder júrgizdi.
Jańartylatyn energııa kózderi salynady
Halyqaralyq ekonomıkalyq jáne ınvestıtsııalyq forýmda oblys ákimi qytaılyq SPIC korporatsııasynyń ókilderimen de kezdesý ótkizdi. Korporatsııa «Jańatas jel elektr stantsııasynyń» qurylysyn júrgizip, iske qosty. Elektr energııasy óndirisiniń jyldyq qýaty – 350 mıllıon kVt/saǵ.
Endi 2023 jyly Sarysý aýdanynda qýaty 100 MVt bolatyn «Shoqpar jel elektr stantsııasy» JShS paıdalanýǵa berýdi josparlap otyr. Investorlar qýattylyǵy 600 MVt-qa deıingi jel elektr stantsııasyn salýǵa múmkindikteri bar ekenin aıtty.
Korporatsııanyń seriktesi – «SANY Renewable Energy» kompanııasy jel qondyrǵylary baǵanalaryn shyǵaratyn zaýyt salýdy usyndy. Jobalyq qýaty – jylyna 200 baǵana jıyntyǵy. Investıtsııalardyń jalpy kólemi – 53 mıllıon AQSh dollary. Joba aıasynda 160 jańa jumys ornyn qurylady.
Aýyldarda ınternet jáne baılanys jaqsarady
Forým aıasynda Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Baızaq aýdanyndaǵy Úlgili aýyldyq okrýgi men Dıhan aýyldyq okrýginiń Aımantóbe aýylyna bardy.
Bul aýyldardaǵy ınternet sapasyn jaqsartý maqsatynda eldi mekenderdi aralaǵan mınıstr birqatar kásipkermen jáne uıaly baılanys operatorlarymen kelissózder júrgizdi.
Kelissózder nátıjesinde máselelerdi maýsym aıyna deıin sheshý jumystary qolǵa alynatyn boldy.
Sonymen birge, kezdesýde jol kartasyndaǵy basty baǵyt – óńirdegi barlyq aýyldardy jyldamdyǵy joǵary ınternet jelisimen qamtamasyz etý máselesi talqylandy. 300-ge jýyq aýyldaǵy osyndaı máseleni tezdetip sheshý kerektigi basa aıtyldy.
Aıta keetıik, buǵan deıin biz forýmnyń alǵashqy kúnindegi is-sharalardy Jambyl oblysynda gofrlengen karton óndirý zaýyty ashyldy.
Qordaıda jylyna 1,2 mln tonna tsement óndiretin zaýyttyń qurylysy bastaldy.
Jambyl oblysynda qurama jem shyǵaratyn zaýyt ashyldy degen taqyryptarda jarııalaǵan bolatynbyz.
