Jambyl oblysynda 7 úıdiń aýlasyn, 1 úıdiń jertólesin sý basty
TARAZ. QazAqparat - 30 sáýirde saǵat tańǵy 5.30 shamasynda Ismaıl kanalynyń 1,2 shaqyrymynda, ıaǵnı Jambyl aýdany, «Dorojnık» saıajaıy, Gornyı kóshesiniń tusynda sýdyń jaǵalaýdy jyryp ketýi oryn aldy, dep habarlaıdy QazAqparat.
Kanaldyń shaıylǵan jaǵasynyń eni 15 metrdi, bıiktigi 18 metrdi quraıdy. Oqıǵa oryn alǵan kezde kanalda 1,2 tekshe metr sý bolǵan.
«Sýdyń 7 úıdiń aýlasyna, 1 úıdiń jertólesine kirgendigi anyqtaldy. Qazirgi kezde sý jabylyp, qalpyna keltirý, aýlalardy tazartý jumystary bastalyp ketti.
Oqıǵa ornynda 6 motopompa, 10 tehnıka, 27 adam jumys isteýde. Jambyl oblysy ákiminiń orynbasary Qanatbek Mádibek oqı ornyna baryp, jaǵdaımen tanysty», - dep jazdy jergilikti ákimdikten QazAqparat tilshisine.
Turǵyndarmen áńgimelesý júrgizilýde. 30 adam qaýipsiz jerlerge shyǵaryldy. Arnaıy komıssııamen shyǵyndardy esepteý, tóleý jumystary júrgiziledi.
