Jambyl oblysynda 600 qoıymen birge qar qursaýynda qalǵan shopan qutqaryldy
TARAZ. QazAqparat – Talas aýdany aýmaǵynda polıtseıler qalyń tumanda adasqan shopandy 600 qoıymen birge qutqardy, dep habarlaıdy QazAqparat tilshisi Jambyl oblystyq polıtsııa departamentiniń baspasóz qyzmetine silteme jasap.
Talas aýdanynyń polıtsııa bólimine Úsharal aýyly mańyndaǵy jaıylymnan 25 jastaǵy qoıshynyń bir otar malymen birge joǵalǵany týraly habarlama kelip túsken. Oqıǵa ornyna kelgen polıtseıler shopannyń tańǵy saǵat 6.00-de bir otar qoıdy jaıylymǵa shyǵaryp, belgilengen ýaqytta qaıtyp oralmaǵanyn anyqtady.
«Polıtsııa qyzmetkerleri 6 avtokólikpen shopandy izdeýge shuǵyl attanyp, jaıylymnan 45 shaqyrym jerde ony bir otar qoıymen birge tapty.
Qoıshy kenetten jaýǵan qalyń qar men tumannyń saldarynan adasqanyn aıtty»,- delingen habarlamada.
