Jambyl oblysynda 6 jasar bala sýǵa batyp ketti
TARAZ. QazAqparat - Jambyl oblysynda egistik alqaptaryn sýaratyn arnaǵa 6 jasar bala batyp ketti, dep habarlaıdy QazAqparat tilshisi.
«Moıynqum aýdanyndaǵy Kókjelek aýylynda, aýdan ortalyǵy Moıynqum aýylynan 30 kılometr jerde keshkisin egin sýaratyn arnadan turǵyndar balanyń denesin baıqap, shyǵaryp alǵan. Ol alty jasar balanyń denesi bolyp shyqty», - dep málimdedi Jambyl oblystyq TJD baspasóz qyzmeti.
Ata-ana qaraýynsyz qalǵan bala abaısyzda arnaǵa aýnap túsip, batyp ketken.
Oblystyq tótenshe jaǵdaılar departamentiniń derekterine súıensek, shomylý maýsymy bastalǵaly Jambyl oblysyndaǵy sý aıdyndarynda toǵyz oqys oqıǵa tirkelip, toǵyz adam qaıtys bolǵan, sonyń altaýy - balalar.
Byltyr dál osy kezeńde jeti adam, sonyń ishinde eki bala batyp ketken edi.
Avtor: Galına Skrıpnık
