Jambyl oblysynda 59 jastaǵy meken-jaıy joq azamattan iri kólemde esirtki tárkilendi
ASTANA. QazAqparat - 1 qyrkúıekte Shý stansasyndaǵy Jelilik polıtsııa bóliminiń qyzmetkerleri «Shý-Aspara» ótkelindegi temir jol torbynyń boıynda 59 jastaǵy turǵylyqty meken-jaıy, qujattary joq azamatty ustady.
Kóliktegi ІІD baspasóz qyzmetiniń habarlaýynsha, tekserý barysynda odan ózindik ıisi bar, jasyl tústi ósimdik tektes zat salynǵan polıetılendy jyltyr orama tabylyp, tárkilenip alynǵan.
Saraptama qorytyndysy boıynsha onyń jalpy salmaǵy 22 kelini quraıtyn «keptirilmegen marıhýana» esirtki zaty ekendigi anyqtaldy. Kúdiktiniń aıtýy boıynsha ol esirtki zattaryn jeke qoldaný maqsatynda jınaǵan.
Atalǵan fakt sotqa deıingi tergeýdiń biryńǵaı tiziliminde QR QK-niń 296 babynyń 4 tarmaǵy boıynsha tirkeldi.
Kúdikti Shý qalasynyń ýaqytsha ustaý ızolıatoryna qamaldy.
Qazirgi ýaqytta tergeý amaldary júrgizilýde.
Eske sala ketsek, jyl basynan beri elimizdiń kólik polıtseıleri 1 609 keli esirtki zattaryn, sonyń ishinde 2,5 keli geroın tárkiledi. Sondaı-aq, esirtki zattarynyń kontrabandasyna qatysty 5 fakti, asa iri mólsherdegi esirtki zattaryn qoldanýǵa qatysty 61 fakti anyqtaldy.
Jalpy, esirtki quqyq buzýshylyqtaryna qatysty 286 fakt tirkeldi.
