Jambyl oblysynda 57 soǵys ardageri 1 mln teńgeden alady

TARAZ. QazAqparat – Jambyl oblysynda Ekinshi dúnıejúzilik soǵys ardagerlerine 1 mıllıon teńgeden tólenedi, dep habarlaıdy QazAqparat oblys ákiminiń baspasóz qyzmetine silteme jasap.

Jambyl oblysynda Jeńistiń 75 jyldyǵyna merekeleýge arnalǵan is-sharalar jospary bekitildi. Olar onlaın-formatta ótedi.

Qyrkúıek aıynda mektepterde patrıottyq jáne erlik sabaqtaryn ótkizý josparlanýda.

Búgingi tańda Jambyl oblysynda 57 soǵys ardageri men múgedegi turady. Olardyń árqaısysyna Jeńis kúnine oraı 1 mıllıon teńge kóleminde áleýmettik kómek kórsetilmek.

Sonymen qatar, UOS qatysýshylary men múgedekterine teńestirilgen 1989 adam 100 myń teńgeden alady. Tyl eńbekkerleri de nazardan tys qalmaǵan. Soǵys jyldarynda tylda 6 aıdan astam jumys istegen 4742 adam 50 myń teńgeden alady. Ekinshi dúnıejúzilik soǵysqa qatysýshylardyń 337 jesiri men múgedek maıdangerlerdiń áıelderi de áleýmettik kómek alady. 60 myń teńgeden Lenıngrad qorshaýynyń úsh burynǵy tutqynyna jáne kontslagerdiń úsh tutqynyna tólenedi.

Sondaı-aq, soǵys ardagerleri men tyl eńbekkerlerine Memleket basshysynyń atynan medaldar, alǵys hattar men azyq-túlik sebetteri beriledi.

Jambyl oblysynyń aýmaǵynda 197 Uly Otan soǵysy batyrlaryna eskertkish ornatyldy, onyń 11-i 11 memorıaldyq taqta.

Sovet odaǵynyń Batyrlary men «Dańq» ordeni ıegerleriniń esimderi oblys boıynsha bir eldi mekenge, úsh aýyldyq okrýgke, 41 nysanǵa, 575 kóshege berilgen.